தவெக ஆட்சியை தடுக்க ரகசிய திட்டமா? ; அரசியல் வட்டாரங்களில் பரபரப்பு தகவல்!

தமிழக அரசியல் களத்தில் புதிய சர்ச்சையை ஏற்படுத்தும் வகையில், அதிமுக பொதுச்செயலாளர் எடப்பாடி பழனிசாமி தலைமையில் ஆட்சியமைத்து, அதற்கு திமுக வெளியிலிருந்து ஆதரவு வழங்கும் வகையிலான அரசியல் முயற்சி நடைபெற்றதாக தகவல்கள் வெளியாகியுள்ளன.

விஜயை சந்தித்த செல்வப்பெருந்தகை ; பின்னணியில் கொதிக்கும் காங்கிரஸ் அரசியல்

இந்த விவகாரம் அரசியல் வட்டாரங்களில் பரபரப்பை ஏற்படுத்தியுள்ளது.

அரசியல் வட்டாரங்களில் வெளியாகிய தகவல்களின் படி, விஜய் தலைமையிலான தமிழக வெற்றிக் கழகம் (தவெக) ஆட்சியமைப்பதை தடுக்க வேண்டும் என்ற நோக்கில் திமுக, அதிமுக மற்றும் பாஜக ஆகியவை ஒரே புள்ளியில் இணைந்ததாக கூறப்படுகிறது.

இந்த முயற்சிக்கு பாஜக மறைமுக ஆதரவு அளித்ததாகவும், அதனால் அரசியல் நிலவரத்தில் நேரடி தலையீடு இல்லாமல் ஒதுங்கியிருந்ததாகவும் தகவல்கள் தெரிவிக்கின்றன.

ஆளுநரின் சமீபத்திய கருத்துகளும் இந்த அரசியல் முயற்சியை சுட்டிக்காட்டும் வகையில் இருந்ததாக கூறப்படுவதால், அது அரசியல் சர்ச்சையாக மாறியுள்ளது.

இந்த விவகாரம் குறித்து சில ஊடகங்களில் வெளியான தகவல்கள் அரசியல் வட்டாரங்களில் அதிர்வலைகளை ஏற்படுத்தியுள்ளன.

திமுக மற்றும் அதிமுக இணைந்தாலும் தனிப்பெரும்பான்மை எட்ட முடியாத சூழலில், திமுக கூட்டணி கட்சிகளின் ஆதரவும் அவசியம் தேவைப்பட்டதாக கூறப்படுகிறது.

இந்த நிலையில், இந்திய கம்யூனிஸ்ட் மற்றும் மார்க்சிஸ்ட் கம்யூனிஸ்ட் கட்சிகள் இந்த தகவலால் அதிருப்தியடைந்ததாகவும், பின்னர் காங்கிரஸ் மூத்த தலைவர் ராகுல் காந்தி நேரடியாக தலையிட்டதாகவும் தகவல்கள் வெளியாகியுள்ளன.

பாஜக மறைமுகமாக அதிகாரத்தில் செல்வதற்கான வாய்ப்பை உருவாக்கக்கூடாது என்ற நிலைப்பாட்டில், ராகுல் காந்தி இடதுசாரி கட்சித் தலைவர்களுடன் ஆலோசனை நடத்தியதாக கூறப்படுகிறது.

அதேபோல், காங்கிரஸ் தலைவர் மல்லிகார்ஜுன கார்கேவும் விடுதலை சிறுத்தைகள் கட்சித் தலைமையுடன் தொடர்ந்து தொடர்பில் இருந்ததாக தகவல்கள் தெரிவிக்கின்றன.

இதன் தொடர்ச்சியாக, “பாஜக மறைமுக ஆதரவுடன் உருவாகும் அரசியல் அமைப்புக்கு ஆதரவு அளிக்க முடியாது” என்ற காரணத்தைக் கூறி, இந்திய கம்யூனிஸ்ட் மற்றும் மார்க்சிஸ்ட் கம்யூனிஸ்ட் கட்சிகள் தவெகவுக்கு ஆதரவு அளிக்கும் முடிவை எடுத்ததாக கூறப்படுகிறது.

மேலும், விஜய் ஆட்சிக்கு வந்தால் முன்னாள் முதலமைச்சர் எம்.ஜி.ஆர் போல நீண்டகால அரசியல் செல்வாக்கை உருவாக்கக்கூடும் என்ற அரசியல் கணிப்பும் முக்கிய காரணமாக இருந்ததாக அரசியல் வட்டாரங்கள் தெரிவிக்கின்றன.

தொடக்கத்தில் இந்த யோசனைக்கு தயக்கம் காட்டிய திமுக தலைவர் மு.க.ஸ்டாலினை, உதயநிதி ஸ்டாலின் மற்றும் சபரீசன் இணைந்து சம்மதிக்க வைத்ததாகவும் தகவல்கள் வெளியாகியுள்ளன.

இதற்கிடையில், இந்த விவகாரம் குறித்து ஊடகங்களில் வெளியான தகவல்களை சிலர் மறுத்து விமர்சித்தாலும், இடதுசாரி தலைவர்களின் சமீபத்திய பேட்டிகள் இந்த அரசியல் பின்னணியை வெளிப்படுத்துவதாக அரசியல் பார்வையாளர்கள் குறிப்பிடுகின்றனர்.

தமிழக அரசியலில் கூட்டணி அமைப்புகள் வேகமாக மாறிவரும் நிலையில், அடுத்த கட்ட அரசியல் நகர்வுகள் குறித்து பெரும் எதிர்பார்ப்பு நிலவி வருகிறது.

தமிழக அரசியலில் பரபரப்பு ; பெரும்பான்மைக்காக தவெக தீவிர ஆலோசனை