நாட்டில் பல பகுதிகளில் 100 மி.மீ.க்கு மேல் பலத்த மழை பெய்யும் அபாயம்

Sri Lankan Peoples Department of Meteorology Weather Rain

By Sahana Oct 17, 2026 05:48 PM GMT

Sahana

Report

நாட்டின் சபரகமுவ மற்றும் மத்திய மாகாணங்களிலும், பதுளை மாவட்டத்தின் சில பகுதிகளிலும் அடுத்த சில மணித்தியாலங்களில் 100 மில்லிமீற்றருக்கும் அதிகமான பலத்த மழைவீழ்ச்சி பதிவாகக்கூடும் என வளிமண்டலவியல் திணைக்களம் தெரிவித்துள்ளது.

எதிர்பார்க்கப்படும் இந்தக் கடும் மழை காரணமாக, குறித்த பகுதிகளில் வசிக்கும் பொதுமக்கள் அவதானத்துடன் செயற்படுமாறும், தேவையான முன்னெச்சரிக்கை நடவடிக்கைகளை மேற்கொள்ளுமாறும் அறிவுறுத்தப்பட்டுள்ளனர்.

நாட்டில் பல பகுதிகளில் 100 மி.மீ.க்கு மேல் பலத்த மழை பெய்யும் அபாயம் | Risk Of Heavy Rainfall Exceeding 100 Mm

குறிப்பாக, வாகன ஓட்டுநர்கள் மழையுடன் கூடிய காலநிலையின்போது வீதிகளில் பயணிக்கும் போது அதிக அவதானத்துடன் செயற்பட வேண்டும் என அறிவுறுத்தப்பட்டுள்ளது.

மேலும், மழை காரணமாக தாழ்நிலப் பகுதிகளில் நீர் தேங்குதல், வீதிகளில் வெள்ளநீர் பெருக்கெடுத்தல் மற்றும் மலைப்பாங்கான பகுதிகளில் மண்சரிவு அபாயம் ஏற்படக்கூடிய சூழ்நிலைகள் குறித்து பொதுமக்கள் விழிப்புடன் இருக்குமாறு கேட்டுக்கொள்ளப்படுகின்றனர்.

எனவே, வளிமண்டலவியல் திணைக்களம் வெளியிடும் வானிலை முன்னறிவிப்புகள் மற்றும் சம்பந்தப்பட்ட அதிகாரிகளின் அறிவுறுத்தல்களைப் பின்பற்றி, பாதுகாப்பு நடவடிக்கைகளை மேற்கொள்ளுமாறு பொதுமக்கள் கேட்டுக்கொள்ளப்படுகின்றனர்.