லங்காசிறி FM
ரணில் கைதால் நீதிமன்றத்தில் பரபரப்பு ; இலங்கை வரலாற்றில் கைதான முதல் ஜனாதிபதி!
Sulokshi
குற்றப் புலனாய்வுத் திணைக்களத்தினால் கைது செய்யப்பட்ட முன்னாள் ஜனாதிபதி ரணில் விக்ரமசிங்க சற்றுமுன்னர் கொழும்பு கோட்டை நீதவான் நீதிமன்றத்திற்கு அழைத்துவரப்பட்டுள்ளார்.
இன்று (22) பிற்பகல் அவர் கொழும்பு கோட்டை நீதவான் நீதிமன்றத்திற்கு அழைத்து வரப்பட்டுள்ளதாக தகவல்கள் தெரிவிக்கின்றன.
கைது செய்யப்பட்ட முன்னாள் ஜனாதிபதி ரணில் விக்ரமசிங்க நீதிமன்றத்தில் ஆஜர்படுத்தப்படுவதை முன்னிட்டு, கோட்டை நீதவான் நீதிமன்றத்தைச் சுற்றி பாதுகாப்பு பலப்படுத்தப்பட்டுள்ளது.
நான்கு மணி நேரத்திற்கும் மேலாக நீடித்த வாக்குமூலத்திற்குப் பிறகு, விக்ரமசிங்க காவலில் எடுக்கப்பட்டார். விரைவில் அவர் கோட்டை நீதவான் நீதிமன்றத்தில் ஆஜர்படுத்தப்படுவார் என்று எதிர்பார்க்கப்படுகிறது.
இலங்கை வரலாற்றில் கைதான அரச தலைவர்
அதேவேளை குற்றப் புலனாய்வுப் பிரிவினரால் கைது செய்யப்பட்ட முன்னாள் ஜனாதிபதி ரணில் விக்கிரமசிங்க, இலங்கை வரலாற்றில் சட்ட அமலாக்கப் பிரிவினரால் கைது செய்யப்பட்ட முதல் முன்னாள் அரச தலைவர் ஆவார்.
நிறைவேற்று ஜனாதிபதியாக இருந்தபோது லண்டனுக்கு மேற்கொண்ட தனிப்பட்ட பயணத்திற்காக அரச நிதியை தவறாகப் பயன்படுத்திய குற்றச்சாட்டில் விக்கிரமசிங்க கைது செய்யப்பட்டுள்ளார்.
முன்னாள் ஜனாதிபதிக்கு சிஐடி அதிகாரிகளிடமிருந்து செவ்வாய்க்கிழமை (19) தொலைபேசி அழைப்பு வந்தது, மேலும் அவர் வழக்கமாக விசாரணைகளுக்கு ஆஜராக தனது சொந்த திகதியை வழங்கினாலும், இந்த வாரமே விசாரணையில் கலந்து கொள்வதாக அவர் தனது வழக்கறிஞர்களிடம் தெரிவித்திருந்தார்.
பின்னர் விக்கிரமசிங்கவின் வழக்கறிஞர்கள் வெள்ளிக்கிழமை (22) ஆஜராவதாக சிஐடிக்கு தெரிவித்திருந்தனர். முன்னாள் ஜனாதிபதியின் வழக்கறிஞர்கள் அவரை கைது செய்யத் தயாராக இருக்குமாறு அறிவுறுத்தியிருந்ததாகவும் கூறப்படுகின்றது.
ஏழாலை வடக்கு, உடுவில், Bochum, Germany, Scarborough, Canada
18 Aug, 2025
புங்குடுதீவு இறுப்பிட்டி, Montreal, Canada, Scarborough, Canada
22 Aug, 2020
அல்லைப்பிட்டி, கனகராயன்குளம், சென்னை, India, திருச்சி, India
21 Aug, 2020
மானிப்பாய், திருநெல்வேலி, யாழ் அச்சுவேலி தோப்பு, Jaffna, India, கொழும்பு, Montreal, Canada
02 Sep, 2024
கரம்பொன் கிழக்கு, கரம்பொன் தெற்கு, கொழும்பு 15
19 Aug, 2021
புங்குடுதீவு 11ம் வட்டாரம், மல்லாவி, ஆனைப்பந்தி, Toronto, Canada
21 Jul, 2025
