வாடகை வீடொன்றில் நடத்தப்பட்ட சம்பவம் இரகசியத் தகவலால் அம்பலம் ; இரு பெண்களுடன் கைதான கும்பல்

Sri Lanka Police Investigation Crime Drugs

By Vironika Oct 15, 2026 06:50 AM GMT

Vironika

Report

பொல்கஸ்ஓவிட்ட, ஹல்பிட்ட பகுதியில் குத்தகை வீடொன்றில் தங்கியிருந்து ஹெரோயின் வர்த்தகம் மற்றும் பொதி செய்யும் நடவடிக்கைகளில் ஈடுபட்டு வந்த ஒழுங்கமைக்கப்பட்ட குற்றக் கும்பலைச் சேர்ந்த இரு பெண்கள் உட்பட ஆறு சந்தேகநபர்கள் சுமார் 56 இலட்சம் ரூபா பெறுமதியான ஹெரோயின் தொகையுடன் கைது செய்யப்பட்டுள்ளனர்.

கெஸ்பாவ பொலிஸ் நிலையப் பொறுப்பதிகாரி பிரதான பொலிஸ் பரிசோதகர் கே.பி. கலன்சூரியவுக்கு கிடைத்த இரகசியத் தகவலின் அடிப்படையில் இந்தச் சுற்றிவளைப்பு மேற்கொள்ளப்பட்டுள்ளது.

வாடகை வீடொன்றில் நடத்தப்பட்ட சம்பவம் இரகசியத் தகவலால் அம்பலம் ; இரு பெண்களுடன் கைதான கும்பல் | Incident At A Rented House Sparks Attention

நிலுவையில் வழக்குகள்

சந்தேகநபர்களின் வசம் இருந்த 112 கிராம் ஹெரோயின், மின்சார தராசு மற்றும் போதைப்பொருட்களைப் பொதி செய்வதற்குப் பயன்படுத்தப்படும், இந்திய நாட்டவர் ஒருவரின் இலச்சினை கொண்ட சிறிய காகிதத் துகள்கள் என்பன பொலிஸ் பொறுப்பில் எடுக்கப்பட்டுள்ளன.

கைது செய்யப்பட்டவர்களில் ஒரு தம்பதியினரும் அடங்குவதாகப் பொலிஸார் தெரிவித்தனர்.

இக்குழுவில் உள்ளவர்களில் சில மாதங்களுக்கு முன்னர் பொரலஸ்கமுவை பகுதியில் உள்ள வீடொன்றுக்குள் நுழைந்து பெண்ணொருவருக்குக் கடுமையான காயங்களை ஏற்படுத்திய சம்பவத்தின் பிரதான சந்தேகநபரும் ஒருவர் அடங்குவதாகக் குறிப்பிடப்பட்டுள்ளது.

மேலதிகமாக, மற்றொரு சந்தேகநபர் மீதும் திருட்டு, கொள்ளை மற்றும் போதைப்பொருள் குற்றச்சாட்டுகள் தொடர்பாக நீதிமன்றத்தில் வழக்குகள் நிலுவையில் உள்ளதுடன், ஏனைய சந்தேகநபர்களும் பல்வேறு குற்றச் சாட்டுக்களை எதிர்கொண்டவர்கள் எனப் பொலிஸார் கண்டறிந்துள்ளனர்.

பிரதான சந்தேகநபரிடம் மேற்கொள்ளப்பட்ட விசாரணைகளில், ஒழுங்கமைக்கப்பட்ட குற்றவாளியும் போதைப்பொருள் வர்த்தகருமான 'போதியவத்தை அவிஷ்க' என்பவருக்குச் சொந்தமானதே இந்தப் போதைப்பொருள் தொகை என்பது தெரியவந்துள்ளது.

குறித்த பிரதான வர்த்தகர் வழங்கும் தொலைபேசி அறிவுறுத்தல்களின்படி, போதைப்பொருட்களைப் பல்வேறு இடங்களுக்கு விநியோகிக்கும் வலையமைப்பொன்றை இவர்கள் செயற்படுத்தி வந்துள்ளனர்.

கைது செய்யப்பட்ட சந்தேகநபர்களும் சந்தேகநாய்களும் கெஸ்பாவ நீதிமன்றத்தில் ஆஜர்படுத்தப்பட்டுத் தடுத்து வைக்கும் உத்தரவைப் பெற்றுக்கொள்ளத் திட்டமிடப்பட்டுள்ளதுடன், கெஸ்பாவ பொலிஸார் இது தொடர்பில் மேலதிக விசாரணைகளில் ஈடுபட்டு வருகின்றனர்.