லங்காசிறி FM
போதைப்பொருள் வழக்கில் PHI ஐ சிக்க வைத்த முயற்சி தோல்வி!
மட்டக்களப்பு, ஏறாவூர் பகுதியில் கடமையாற்றி வரும் செங்கலடி சுகாதார வைத்திய அதிகாரி பணிமனைக்குட்பட்ட பொதுச் சுகாதார பரிசோதகர் (PHI) ஒருவரை, போதைப்பொருள் வழக்கில் திட்டமிட்டுச் சிக்க வைக்க முயன்ற சதி முயற்சி தொடர்பில் இரண்டு சந்தேகநபர்களை வெள்ளிக்கிழமை (30) ஏறாவூர் பொலிஸார் கைது செய்துள்ளனர்.
குறித்த பொதுச் சுகாதார பரிசோதகர் தனது உத்தியோகபூர்வ கடமைகளைச் செய்து வந்த நிலையில், அவர் மேற்கொண்ட சட்டபூர்வமான பரிசோதனைகள் அல்லது தனிப்பட்ட பகை காரணமாக, நபர்கள் சிலர் அவரைப் போதைப்பொருள் வழக்கில் சிக்க வைக்க இவ்வாறான செயலில் ஈடுபட்டிருக்கலாம் எனத் தெரிவிக்கப்படுகிறது.
வீட்டில் பொருத்தப்பட்டிருந்த சி.சி.டி.வி
அதன்படி, சந்தேகநபர்கள் பொதுச் சுகாதார பரிசோதகரின் ஏறாவூர் அலுவலகத்திற்கு முன் நிறுத்தி வைக்கப்பட்டிருந்த மோட்டார் சைக்கிளில் இரகசியமாக போதைப்பொருள் பொதியொன்றை மறைத்து வைத்துள்ளனர்.
தனது மோட்டார் சைக்கிளில் இருந்த சந்தேகத்திற்கிடமான பொதி குறித்துக் அவதானம் செலுத்திய பொதுச் சுகாதார பரிசோதகர், தமது அலுவலகத்திற்கு முன்பிருந்த வீட்டில் பொருத்தப்பட்டிருந்த சி.சி.டி.வி (CCTV) காணொளிப் பதிவுகளை ஆதாரமாகக் கொண்டு ஏறாவூர் பொலிஸ் நிலையத்தில் முறைப்பாடு செய்துள்ளார்.
இதனையடுத்து, ஏறாவூர் பொலிஸார் தீவிர விசாரணைகளை மேற்கொண்டு, இச்சம்பவத்துடன் தொடர்புடைய இரண்டு சந்தேகநபர்களைக் கைது செய்துள்ளனர். இது தொடர்பான மேலதிக விசாரணைகளை ஏறாவூர் பொலிஸார் தொடர்ந்து மேற்கொண்டு வருகின்றனர்.
யாழ்ப்பாணம், நெடுந்தீவு, பண்டத்தரிப்பு, Goslar, Germany, Breda, Netherlands, Montreal, Canada
29 Sep, 2026
இமையானன் கிழக்கு உடுப்பிட்டி, சுவிஸ், Switzerland, London East Ham, United Kingdom
14 Oct, 2026
Seremban, Malaysia, நெல்லியடி, மண்டபம், India, Harrow, United Kingdom
30 Oct, 2021
புங்குடுதீவு 5ம் வட்டாரம், வேலணை கிழக்கு, சுவிஸ், Switzerland
26 Oct, 2018