லங்காசிறி FM
இலங்கைக்கான அமெரிக்கத் தூதுவருக்கும் பிரதமருக்குமிடையிலான சந்திப்பு
இலங்கைக்கான கொழும்பிலுள்ள அமெரிக்கத் தூதுவர் எரிக் மயருக்கும் அவரது தூதுக்குழுவினரும் பிரதமர் கலாநிதி ஹரிணி அமரசூரியவுக்கும் இடையிலான சந்திப்பொன்று அலரி மாளிகையில் கடந்த செவ்வாய்க்கிழமை(27) இடம்பெற்றது.
தூதுவரை வரவேற்ற பிரதமர் கலாநிதி ஹரிணி அமரசூரிய, இரு நாடுகளுக்குமிடையிலான கல்வி மற்றும் ஆராய்ச்சி ஒத்துழைப்பை வலுப்படுத்துவதற்கு ஃபுல்பிரைட் புலமைப்பரிசில் திட்டம் வழங்கியுள்ள பங்களிப்பைப் பாராட்டியதுடன், அத்திட்டத்தை மேலும் விரிவுபடுத்துவதன் முக்கியத்துவத்தையும் வலியுறுத்தினார்.
இருதரப்பு வர்த்தக மற்றும் பொருளாதார உறவுகளை விரிவுபடுத்துதல், சுற்றுலாத் துறையில் ஒத்துழைப்பை பலப்படுத்துதல், இலங்கையை அமெரிக்கச் சுற்றுலாப் பயணிகளைக் கவரும் முக்கிய இடமாக விளம்பரப்படுத்துவதற்கான வாய்ப்புகள் ஆகியன குறித்தும் இரு தரப்பினரும் கலந்துரையாடினர்.
கடல்சார் சவால்களை எதிர்கொள்வதற்கான ஒத்துழைப்பு உட்பட, கடல்சார் பாதுகாப்பை மேலும் வலுப்படுத்துவதன் முக்கியத்துவமும் இதன்போது கலந்துரையாடப்பட்டது.
அமெரிக்காவின் சமாதானப் படையினூடாக (U.S. Peace Corps) நடைமுறைப்படுத்தப்படும் ஆங்கில மொழிப் பயிற்சித் திட்டம் குறித்தும், இலங்கையின் ஆங்கில மொழிக் கல்வியை பலப்படுத்துவதற்கு அத்திட்டத்தின் மூலம் பெற்றுக்கொள்ளக்கூடிய பங்களிப்புக் குறித்தும் தூதுவர் பிரதமருக்குத் தெளிவுபடுத்தினார்.
பரஸ்பர முக்கியத்துவம் வாய்ந்த துறைகளில் ஒத்துழைப்பை பலப்படுத்துவதன் மூலம், இலங்கைக்கும் அமெரிக்காவிற்குமிடையிலான நீண்டகால இருதரப்பு உறவுகளை மேலும் உறுதிப்படுத்துவதற்குத் தமது அர்ப்பணிப்பை இரு தரப்பினரும் மீண்டும் வலியுறுத்தினர்.
புங்குடுதீவு 5ம் வட்டாரம், வேலணை கிழக்கு, சுவிஸ், Switzerland
26 Oct, 2018
