இலங்கைக்கு வந்து குவிந்துள்ள சுற்றுலாப் பயணிகள்

Sri Lankan Peoples Tourism Economy of Sri Lanka

By Vironika Sep 30, 2026 09:15 PM GMT

Vironika

Report

செப்டம்பர் மாதத்தின் முதல் 27 நாட்களில் நாட்டுக்கு வருகை தந்த சர்வதேச சுற்றுலாப் பயணிகளின் எண்ணிக்கை 143,623 ஆக உயர்ந்துள்ளதாக சுற்றுலா அபிவிருத்தி அதிகார சபை வெளியிட்டுள்ள தரவுகள் தெரிவிக்கின்றன.

நாட்டுக்கு வருகை தந்த சர்வதேச சுற்றுலாப் பயணிகளில் இந்தியாவே முதலிடத்தைப் வகித்து வருகின்றது. இம்மாதத்தில் இலங்கைக்கு வருகை தந்த மொத்த சுற்றுலாப் பயணிகளில் சுமார் 32 சதவீதமான 45,679 பயணிகள் இந்தியாவிலிருந்து வருகை தந்துள்ளனர்.

இலங்கைக்கு வந்து குவிந்துள்ள சுற்றுலாப் பயணிகள் | Tourists Arrive In Large Numbers In Sri Lanka

சுற்றுலாப் பயணிகள்

இரண்டாவதாக சீனா பதிவாகியுள்ளதுடன், அங்கிருந்து 10,081 சுற்றுலாப் பயணிகள் வருகை தந்துள்ளனர். 10,067 சுற்றுலா பயணிகள் ஆஸ்திரேலியாவிலிருந்து வகைதந்துள்ளனர்.

இதன்படி ஐக்கிய இராச்சியம் 9,967 சுற்றுலா பயணிகள் மற்றும் ஜெர்மனி 6,745 சுற்றுலா பயணிகள் முறையே அடுத்தடுத்த இடங்களைப் பிடித்து முதல் ஐந்து இடங்களுக்குள் அடங்கியுள்ளன.

செப்டம்பர் மாதத்தின் இந்த வருகைகளுடன் சேர்த்து, 2026 ஆம் ஆண்டின் இதுவரையிலான காலப்பகுதியில் நாட்டுக்கு வருகை தந்த மொத்த சுற்றுலாப் பயணிகளின் எண்ணிக்கை 1,678,745 ஆக உயர்ந்துள்ளது.

ஜனவரி முதல் செப்டம்பர் வரையிலான காலப்பகுதியில் 431,162 வருகைகளுடன் இந்தியா முதன்மைப் பங்களிப்பாளராக விளங்குவதுடன், 159,956 வருகைகளுடன் ஐக்கிய இராச்சியம் இரண்டாவது இடத்தில் உள்ளது.