டுபாயிலிருந்து வந்த சடலம் தொடர்பில் பொலிஸ் மா அதிபர் அஜித் ரோஹண கூறியது

airport ajit rohana dead body dubai

By Krishna Mar 25, 2021 07:31 PM GMT

Krishna

Report

டுபாயிலிருந்து கடந்தவாரம் ராஜபக்ஷகே கசுன் மதுரங்க எனும் பெயரில் அடையாளப்படுத்தப்பட்டு கட்டுநாயக்க விமான நிலையத்துக்கு எடுத்து வரப்பட்ட சடலம், ராஜபக்ஷ ஆரச்சிகே தினுக மதுஷான் எனும் கெசல்வத்தே தினுகவினுடையது என உயிரியல் மூலக் கூறுகளின் அடிப்படையில் உறுதி செய்யப்பட்டுள்ளது.

டி.என்.ஏ. மரபணு பரிசோதனை மற்றும் கைவிரல் ரேகை ஆகியவற்றை வைத்து குறித்த சடலம் பல்வேறு குற்றங்கள் தொடர்பில் பொலிஸாரால் தேடப்பட்டு வந்தது.

இந் நிலையில், ஐக்கிய அரபு அமீரகத்துக்கு தப்பிச் சென்று டுபாயில் வசித்த நிலையில் உயிரிழந்ததாக கூறப்படும் பாதாள உலக தலைவனான கெசல்வத்தே தினுக எனும் ஆர்.ஏ. தினுக மதுஷானினுடையது என உறுதி செய்யப்பட்டதாக பொலிஸ் பேச்சாளர் பிரதிப் பொலிஸ் மா அதிபர் அஜித் ரோஹண தெரிவித்தார்.

குறித்த சடலம் நீர் கொழும்பு வைத்தியசாலையில் முன்னெடுக்கப்பட்ட பிரேத பரிசோதனைகளின் பின்னர், தினுகவின் மனைவியிடம் ஒப்படைக்க நீதிமன்றம் உத்தரவிட்டுள்ளது.

எனினும் அவரது மரணத்துக்கான காரணம் உறுதியாக தெரியவராத நிலையில், உடற் கூறுகள் மேலதிக ஆய்வுக்காக பெறப்பட்டு அரச இரசாயன பகுப்பாய்வுக்கு அனுப்பட்டுள்ளதாகவும் அவர் குறிப்பிட்டார்.