லங்காசிறி FM
தந்தையால் சீரழிக்கப்பட்ட 16 வயது மகள்; அதிபர் சந்தேகத்தால் வெளிப்பட்ட தகவல்
16 வயதுச் சிறுமியை தந்தையே பாலியல் துஸ்பிரயோகம் செய்த சம்பவம், தலவாக்கலை பகுதியில் பெரும் அதிர்ச்சியை ஏற்படுத்தியுள்ளது.
தலவாக்கலை பொலிஸ் பிரிவுக்குட்பட்ட பகுதியில் வசிக்கும் 39 வயதுடைய நபர் ஒருவர், தனது மகளைத் தொடர்ச்சியாகப் பாலியல் துஷ்பிரயோகத்திற்கு உட்படுத்தியதாக கைது செய்யப்பட்டுள்ளார்.
பல வாரங்களாகப் பாடசாலைக்கு வருகை தராத சிறுமி
குறித்த சிறுமி பல வாரங்களாகப் பாடசாலைக்கு வருகை தராததை அவதானித்த பாடசாலை அதிபர், மாணவியின் நிலைமை குறித்து சந்தேகமடைந்து, சம்பவம் தொடர்பாகத் தலவாக்கலை பொலிஸாருக்கு அறிவித்துள்ளார்.
அதிபரின் அவதானிப்பும் உரிய நேரத்தில் மேற்கொண்ட நடவடிக்கையும், சிறுமி எதிர்கொண்டதாகக் கூறப்படும் துன்புறுத்தல் தொடர்பான உண்மைகள் வெளிச்சத்துக்கு வருவதற்கு வழிவகுத்துள்ளன.
இதனையடுத்து, சிறுமி, அவரது தந்தை மற்றும் தாயார் ஆகியோரைப் பொலிஸ் நிலையத்திற்கு அழைத்து பொலிஸார் விசாரணைகளை முன்னெடுத்துள்ளனர்.
இதன்போது, தனது தந்தையால் தொடர்ச்சியாகப் பாலியல் துஷ்பிரயோகத்திற்கு உள்ளாக்கப்பட்டதாகச் சிறுமி வாக்குமூலம் அளித்துள்ளார்.
இதனைத் தொடர்ந்து, சந்தேகநபரான தந்தையைக் கைது செய்த பொலிஸார், அவரை நுவரெலியா மாவட்ட நீதிமன்றத்தில் ஆஜர்படுத்திபின்னர், அவர் விளக்கமறியலில் வைக்கப்பட்டுள்ளார்.
பாதிக்கப்பட்ட சிறுமி மருத்துவப் பரிசோதனைகளுக்காக நுவரெலியா ஆதார வைத்தியசாலையில் அனுமதிக்கப்பட்டுள்ளார். இச்சம்பவம் தொடர்பான மேலதிக விசாரணைகளைத் தலவாக்கலை பொலிசார் முன்னெடுத்து வருகின்றனர்.
குப்பிளான், London, United Kingdom, பிரான்ஸ், France
23 Oct, 2021
அனலைதீவு, உருத்திரபுரம், திருவையாறு, Cergy-Pontoise, France
03 Nov, 2025
திருநெல்வேலி, யாழ்ப்பாணம், Idar- Oberstein, Germany, Coventry, United Kingdom
18 Oct, 2026
புங்குடுதீவு 2ம் வட்டாரம், புங்குடுதீவு 12ம் வட்டாரம், Markham, Canada
17 Oct, 2024