கொடூரமாக கொன்று எரிக்கப்பட்ட தமிழ் இளைஞன் ; நீதிமன்றம் பிறப்பித்த உத்தரவு

வெல்லம்பிட்டிய பிரதேசத்தில் வசித்து வந்த 24 வயதுடைய குழந்தை இயேசு ஷெரன் என்ற இளைஞர் படுகொலை செய்யப்பட்டு, அவரது உடல் எரிக்கப்பட்டு, எச்சங்கள் களனி ஆற்றில் வீசப்பட்டதாகக் கூறப்படும் சம்பவம் தொடர்பில் கைது செய்யப்பட்ட நான்கு சந்தேகநபர்களும் எதிர்வரும் 16 ஆம் திகதி வரை விளக்கமறியலில் வைக்கப்பட்டுள்ளனர்.

புதுக்கடை நீதிவான் நீதிமன்றத்தில் ஆஜர்படுத்தப்பட்டதை அடுத்து இந்த உத்தரவு பிறப்பிக்கப்பட்டுள்ளது.

மேலதிக விசாரணை

2025 ஆம் ஆண்டு ஓக்டோபர் 14 ஆம் திகதி குறித்த இளைஞர் காணாமல் போனது தொடர்பில் கிராண்ட்பாஸ் பொலிஸார் ஆரம்ப விசாரணைகளை ஆரம்பித்ததாகப் பொலிஸார் தெரிவித்தனர்.

பின்னர் மேலதிக விசாரணைகள் கொழும்பு மாவட்ட குற்றத்தடுப்புப் பிரிவினால் மேற்கொள்ளப்பட்டுள்ளன.

விசாரணைகளின் போது, 2025 ஆம் ஆண்டு ஓக்டோபர் 11 ஆம் திகதி மாலை 6.23 மணிக்கு இளைஞர் தனது வீட்டில் இருந்து புறப்பட்டு, சேதுவத்தை பிரதேசத்தில் அமைந்துள்ள அவரது நண்பரான பிரியந்த என்ற வர்த்தகருக்குச் சொந்தமான வாகன பழுதுபார்க்கும் நிலையத்திற்குச் சென்றுள்ளமை தெரியவந்துள்ளது.

கோவிலுக்குள் அரங்கேறிய சம்பவம் ; சிறுமிகளிடம் பூசாரி செய்த தகாத செயலுக்கு கிடைத்த பெரும் தண்டனை

அங்கு மது அருந்திக் கொண்டிருந்த போது குழுவொன்று அவ்விடத்திலுள்ள வாயிலின் மீது கல்வீசியது காரணமாக சாந்தவுக்கும் இயேசு ஷெரனுக்கும் இடையில் வாக்குவாதம் ஏற்பட்டுள்ளமை விசாரணைகளில் தெரியவந்துள்ளது.

பின்னர், இயேசு ஷெரன் தன்னை கொலை செய்யத் தயாராவதாக சாந்தவுக்கு தகவல் கிடைத்ததை அடுத்து அவர் முன்னாயத்தத் திட்டமொன்றைத் தீட்டியுள்ளதாகப் பொலிஸார் சந்தேகிக்கின்றனர்.

அன்றைய தினம் இரவு 12.00 மணியளவில் இயேசு ஷெரன் தனது அக்காவுக்கு தொலைபேசி அழைப்பை ஏற்படுத்தி, "நான் காலையில் வருகிறேன்" என்று கூறியுள்ளார்.

இறைவரித் திணைக்களத்தில் நீண்ட வரிசை ; இலங்கையர்களுக்கு வெளியான முக்கிய அறிவித்தல்

எவ்வாறாயினும், நள்ளிரவுக்குப் பின்னர் அவரது தொலைபேசி துண்டிக்கப்பட்டுள்ளதுடன், அதன் பின்னர் அவர் காணாமல் போயுள்ளார்.

ஓக்டோபர் 11 ஆம் திகதி ஏற்பட்ட சம்பவத்திற்குப் பின்னர் இளைஞர் கொலை செய்யப்பட்டுள்ளதாகச் சந்தேகிக்கப்படுவதுடன், பின்னர் அவரது உடல் கிரிந்திவெல, பெபிலியவல பிரதேசத்தில் எரிக்கப்பட்டுள்ளதாகப் பொலிஸார் கண்டறிந்துள்ளனர்.

எலும்புக்கூடுகள் மற்றும் ஏனைய எச்சங்கள் கோச்கம ரங்வல பாலத்திற்கு அருகில் களனி ஆற்றில் வீசப்பட்டுள்ளதாகவும் விசாரணைகளில் தெரியவந்துள்ளது.

தமிழர் பகுதியொன்றில் சற்று முன்னர் துப்பாக்கிச்சூடு ; ஒருவர் உயிரிழப்பு

சந்தேக நபர்களிடம் மேற்கொள்ளப்பட்ட விசாரணைகளை அடுத்து, பெபிலியவல பிரதேசத்தில் மேற்கொள்ளப்பட்ட களப் பரிசோதனையின் போது எலும்புத் துண்டுகள் உட்பட பல வழக்குப்பொருட்கள் மீட்கப்பட்டுள்ளன.

ரங்வல பாலத்திற்கு அருகிலுள்ள ஆற்றிலும் கடற்படை சுழியோடி அதிகாரிகளின் உதவியுடன் சோதனை மேற்கொள்ளப்பட்டுள்ளது.

கைது செய்யப்பட்ட சந்தேக நபர்கள் 29, 32, 37 மற்றும் 46 வயதுடைய வெல்லம்பிட்டிய மற்றும் அகலவத்தை பிரதேசங்களைச் சேர்ந்தவர்கள் எனப் பொலிஸார் தெரிவித்தனர். இச்சம்பவம் தொடர்பில் கொழும்பு மாவட்ட குற்றத்தடுப்புப் பிரிவு மேலதிக விசாரணைகளை மேற்கொண்டு வருகிறது.