இன்டர்போல் சிவப்பு எச்சரிக்கை பிறப்பிக்கப்பட்ட சந்தேகநபர் ஒருவர் களுத்துறையில் கைது

Sri Lanka Police Kalutara Sri Lanka India Indian Navy

By Sahana Oct 01, 2026 04:52 AM GMT

Sahana

Report

இலங்கை மற்றும் இந்தியாவில் காவலில் இருந்து தப்பிச் சென்ற, இண்டர்போல் சிவப்பு எச்சரிக்கை (Interpol Red Notice) பிறப்பிக்கப்பட்ட 54 வயதான சந்தேகநபர் ஒருவர் களுத்துறை வாதுவை பகுதியில் வைத்து கைது செய்யப்பட்டுள்ளதாக காவல்துறை தெரிவித்துள்ளது.

அங்குலான பகுதியைச் சேர்ந்த இவர், கடல் வழியாக 337 கிலோகிராம் ஹெரோயின் போதைப்பொருளை இந்தியாவிற்கு கடத்த முயன்றபோது இந்திய கடற்படையினரால் கைது செய்யப்பட்டார்.

இன்டர்போல் சிவப்பு எச்சரிக்கை பிறப்பிக்கப்பட்ட சந்தேகநபர் ஒருவர் களுத்துறையில் கைது | Suspect Subject Interpol Red Notice Arrested

இந்தியாவின் கொச்சி சிறையில் அடைக்கப்பட்டிருந்த இவர், அங்கிருந்து தப்பி கடல் வழியாக மீண்டும் இலங்கைக்கு வந்துள்ளார்.

இலங்கை திரும்பிய பின்னர் வென்னப்புவ பகுதியில் கைது செய்யப்பட்டு, மாரவில நீதவான் நீதிமன்றத்தில் ஆஜர்படுத்தப்பட்டதைத் தொடர்ந்து விளக்கமறியலில் வைக்கப்பட்டார்.

பின்னர் பிணையில் விடுவிக்கப்பட்ட இவர், வழக்கு விசாரணைக்காக நீதிமன்றத்தில் ஆஜர்படுத்தப்பட்டபோது சிறை அதிகாரிகளின் காவலில் இருந்து மீண்டும் தப்பிச் சென்றுள்ளார்.

வாதுவையில் உள்ள வாடகை வீடு ஒன்றில் ஒளிந்திருந்த அவரை, கல்கிஸ்ஸ குற்றப்புலனாய்வுப் பிரிவினர் செப்டம்பர் 30 அதிகாலை கைது செய்தனர்.

கைது செய்யப்பட்ட சந்தேகநபரை நாடுகடத்தல் சட்டத்தின் (extradition laws) கீழ் இந்திய அதிகாரிகளிடம் ஒப்படைப்பதற்கான நடவடிக்கைகள் மேற்கொள்ளப்பட்டு வருவதாகக் காவல்துறை மேலும் தெரிவித்துள்ளது.