லங்காசிறி FM
நத்தார் விருந்தில் தாக்கப்பட்ட பொலிஸ் கான்ஸ்டபிள் தலைமறைவு
Sulokshi
புத்தளம் கற்பிட்டி, தளுவ - நிர்மலாபுர பிரதேசத்தில் நத்தார் விருந்தில் ஏற்பட்ட வாக்குவாதத்தின் போது பயிலுனர் பொலிஸ் கான்ஸ்டபிள் ஒருவர் மீது தாக்குதல் நடத்தப்பட்டுள்ளது.
தாக்குதலுக்கு உள்ளான பொலிஸ் கான்ஸ்டபிள் சிகிச்சைக்காக புத்தளம் தள வைத்தியசாலையில் அனுமதிக்கப்பட்ட அங்கிருந்து தப்பிச் சென்றுள்ளதாக புத்தளம் பொலிஸார் தெரிவித்துள்ளனர்.
மதுவிருந்தில் மோதல்
நுரைச்சோலை பொலிஸ் நிலையத்தில் கடமையாற்றிய பயிலுனர் பொலிஸ் கான்ஸ்டபிள் ஒருவரே தப்பிச் சென்றுள்ளார் என விசாரணையில் தெரியவந்துள்ளது.
புதிய பொலிஸ் கான்ஸ்டபிள் நேற்று (25) காலை நுரைச்சோலை பொலிஸ் நிலையத்தில் கடமையை பொறுப்பேற்றிருந்த நிலையில் , அவர் ஊழல் ஒழிப்புப் பணியில் ஈடுபடுத்தப்பட்டிருந்தார் என்றும் பொலிஸார் குறிப்பிட்டனர்.
நேற்றிரவு (25) இரவு குறித்த பொலிஸ் கான்ஸ்டபிள் தனது நண்பர்கள் சிலருடன் மது விருந்தில் கலந்து கொண்டபோது விருந்தில் குழுக்களுக்கிடையில் வாக்குவாதம் ஏற்பட்டுள்ளதாகவும் தெரிவிக்கப்படுகிறது.
இதன்போது வாக்குவாதம் முற்றிய நிலையில், அங்கிருந்த சிலர் பொலிஸ் கான்ஸ்டபிளையும் அவருடன் வந்த நண்பர்களையும் தாக்கியுள்ளனர்.
இதுபற்றி நுரைச்சோலை பொலிஸாருக்கு கிடைத்த தகவல் ஒன்றின் அடிப்படையில் சம்பவ இடத்திற்கு சென்ற பொலிஸ் குழு, தாக்குதலுக்கு உள்ளான பொலிஸ் கான்ஸ்டபிளை சிகிச்சைக்காக வைத்திசாலையில் அனுமதித்துள்ளனர்.
அங்கு நடத்தப்பட்ட மருத்துவ பரிசோதனையில் கான்ஸ்டபிள் மது அருந்தியது உறுதியானது.
வெளிநோயாளர் பிரிவில் இருந்து மேலதிக சிகிச்சைக்காக வார்டில் அனுமதிக்கப்பட்ட பின்னர், யாருக்கும் தெரியாமல் அவர் அங்கிருந்து தப்பிச் சென்றதாகத் தெரிவிக்கப்படுகிறது.
சம்பவம் தொடர்பான மேலதிக விசாரணைகளை நுரைச்சோலை பொலிஸார் மேற்கொண்டு வருகின்றனர்.
வேலணை கிழக்கு, புங்குடுதீவு 7ம் வட்டாரம், Pickering, Canada
17 Nov, 2023
பலாலி, வட்டக்கச்சி இராமநாதபுரம், கனடா, Canada, ஜேர்மனி, Germany, உக்குளாங்குளம்
17 Nov, 2020
புங்குடுதீவு 2ம் வட்டாரம், புங்குடுதீவு 12ம் வட்டாரம், வவுனியா, Paris, France
13 Nov, 2024
கொக்குவில், Nottingham, United Kingdom, Liverpool, United Kingdom
09 Nov, 2024
புங்குடுதீவு 2ம் வட்டாரம், புங்குடுதீவு 12ம் வட்டாரம், Markham, Canada
17 Oct, 2024
