லங்காசிறி FM
பொலிஸ் காவலில் இரு சந்தேக நபர்களுக்கு விஷம் கொடுக்க உதவிய மூவர் சிக்கினர்!
Shankar
அண்மையில் கொழும்பு ஆட்டுப்பட்டித் தெரு பொலிஸில் தடுத்து வைக்கப்பட்டிருந்த சந்தேக நபர்கள் இருவருக்கு பார்வையாளர் ஒருவர் விஷம் கலந்த பால் வழங்கிய சம்பவத்திற்கு உதவிய குற்றச்சாட்டின் பேரில் மூன்று சந்தேக நபர்களை கொழும்பு குற்றத்தடுப்பு பிரிவினர் கைது செய்துள்ளனர்.
கொட்டாஞ்சேனை மற்றும் ஒருகொடவத்த பிரதேசங்களில் இன்று (15) பிற்பகல் இந்த கைது நடவடிக்கை மேற்கொள்ளப்பட்டுள்ளது.
கைது செய்யப்பட்டவர்கள் 22, 24 மற்றும் 26 வயதுடையவர்கள் எனவும், அவர்கள் கொட்டாஞ்சேனை, ஒருகொடவத்தை மற்றும் கொழும்பு 13 பிரதேசங்களைச் சேர்ந்தவர்கள் எனவும் பொலிஸார் தெரிவித்தனர்.
தற்போது வெளிநாட்டில் தலைமறைவாகியுள்ள பிரபல குற்றவாளி ஒருவரின் உத்தரவுக்கமைய இந்த குற்றச்செயல் மேற்கொள்ளப்பட்டுள்ளதாக பொலிஸாரின் ஆரம்பகட்ட விசாரணைகளில் இருந்து தெரியவந்துள்ளது.
சம்பவம் தொடர்பான மேலதிக விசாரணைகளை கொழும்பு குற்றத்தடுப்பு பிரிவினர் மேற்கொண்டு வருகின்றனர்.
கரம்பொன் கிழக்கு, பண்டத்தரிப்பு, கொழும்பு சொய்சாபுரம், London, United Kingdom, Borehamwood, United Kingdom
17 Aug, 2025