லங்காசிறி FM
2022 கிடைக்கவுள்ள தலைமைப் பொறுப்பு; பிரான்ஸ் வெளியிட்டுள்ள புதிய நாணயம்!
Sulokshi
ஆறு மாதங்களுக்கு ஒருதடவை சுழற்சி முறையில் பகிரப்பட்டுவருகின்ற ஐரோப்பிய ஒன்றியத்தின் தலைமைப்பொறுப்பு ஜனவரி முதலாம் திகதி பிரான்ஸிடம் செல்ல்லவுள்ளது.
இந்நிலையில் அதனைக் குறிக்குமுகமாக புதிய இரண்டு ஈரோ நாணயக் குற்றி ஒன்றை பிரான்ஸ் வடிவமைத்துள்ளது.
இந்த புதிய நாணயம் ஜனவரி முதலாம் திகதி புழக்கத்துக்கு விடப்படும் என கூறப்படுகின்றது. 1958 இல் நிறுவப்பட்ட ஐரோப்பிய ஒன்றியத்தின் தலைமைப் பதவி பிரான்ஸின் பொறுப்புக்கு வருவது இது 13 ஆவதுமுறையாகும். கடைசியாக 2008 ஆம் ஆண்டு நிக்கலஸ் சார்க்கோஷியின்பதவிக்காலத்தில் தலைமைப் பொறுப்பை பிரான்ஸ் பெற்றிருந்தது.
ஆரம்பத்தில் குறைவாக இருந்த ஒன்றியத்தின் உறுப்பு நாடுகளது எண்ணிக்கை தற்சமயம் 27 ஆகும். எனவே உறுப்பு நாடுகளிடையே ஆறாறு மாதங்கள் தலைமைப் பதவி சுற்றிச்சுழன்று ஒரு நாட்டிடம் மீண்டும் வருவதற்குப் 13 ஆண்டுகள் எடுக்கும்.
இவ்வாறான நிலையில் பிரான்ஸ் ஒன்றியத்தில் வலுவான நாடு என்ற வகையில் அது தலைமைப் பதவியை ஏற்பது பலவித எதிர்பார்ப்புகளை ஏற்படுத்தியுள்ளது.
அதேவேளை அதிபர் எமானுவல் மக்ரோனின் (Emmanuel Macron) பதவிக் காலத்தில் – அந்தப் பொறுப்பு பிரான்ஸின் கைக்கு வருவதும், அதே காலப் பகுதியில் நாட்டின் அதிபர் தேர்தல் நிகழ இருப்பதும் அதற்கு அரசியல் ரீதியில் முக்கியத்துவத்தை அதிகரித்துள்ளது.
பிரான்ஸின் தலைமையில் ஐரோப்பிய ஒன்றியத்தின் எதிர்காலத் திட்டங்கள் என்ன என்பது பற்றி மக்ரோன் (Emmanuel Macron) செய்தியாளர் மாநாட்டில் விளக்கியுள்ளார். இதன்போது உறுதி, இறைமை ஐக்கியம் கொண்ட ஐரோப்பாவை நிறு வும் அழைப்பை அப்போது அவர் வெளியிட்டார்.
அத்துடன் குடியேறிகள் விடயத்தில் உறுப்பு நாடுகளிடையே ஒருங்கிணைந்த செயற்பாடுகளை வலியுறுத்திய அவர், ஒரு நாடு அதன் எல்லையில் நெருக்கடியைச் சந்திக்கின்ற சமயத்தில் அதற்கு ஏனைய நாடுகள் விரைந்து உதவக் கூடிய திட்டம் ஒன்று அவசியம் என்றும் முன்மொழிந்தார்.
மேலும் ஒன்றியத்தின் எல்லைகளைப் பலப்படுத் தும் நோக்குடன் ஷெங்கன் (Schengen) வலயத்தை மறுசீரமைப்புச் செய்கின்ற யோசனையையும் அதிபர் மக்ரோன் (Emmanuel Macron) வெளியிட்டார்.
பருத்தித்துறை, யாழ்ப்பாணம், கொழும்பு, Montreal, Canada, Saint-Eustache, Canada
14 Nov, 2025
தர்மகேணி, கிளிநொச்சி முரசுமோட்டை 3ம் யூனிற், Jaffna, கம்பஹா வத்தளை, நல்லூர்
21 Nov, 2022
