லங்காசிறி FM
பிரதமர் தலைமையில் சர்வதேச தாய் மொழி தின விழா
Praveen
சர்வதேச தாய்மொழி தினம் இன்று காலை கொழும்பு சுதந்திர சதுக்கத்தில் பிரதமர் மஹிந்த ராஜபக்ஷ தலைமையில் நடைபெற்றது.
அமைதியை மேம்படுத்துதல், பல மொழிகளின் பயன்பாட்டை மேம்படுத்துதல் மற்றும் உலகெங்கிலும் உள்ள பழங்குடி மொழிகளைப் பாதுகாத்தல் ஆகியவற்றை நோக்கமாகக் கொண்டு ஆண்டுதோறும் பிப்ரவரி 21 அன்று சர்வதேச தாய்மொழி தினம் கொண்டாடப்படுகிறது. இலங்கைக்கான பங்களாதேஷ் உயர்ஸ்தானிகராலயம், கல்வி அமைச்சு, ஐக்கிய நாடுகளின் இலங்கைக்கான வதிவிட ஒருங்கிணைப்பாளர் மற்றும் இலங்கை சாரணர் சங்கம் ஆகியன இணைந்து இவ்வருட சர்வதேச தாய்மொழி தினத்தை ஏற்பாடு செய்திருந்தன.
விழாவின் தொடக்கத்தில், தாய்மொழியைக் காக்க உயிர் தியாகம் செய்தவர்களை நினைவு கூறும் வகையில் பிரதமர் உட்பட அனைவரும் ஒரு நிமிடம் மவுன அஞ்சலி செலுத்தினர். "தாய், தாய்மொழி, தாய்நாடு" என்பது இந்த ஆண்டு கொண்டாட்டத்தின் கருப்பொருள். இந்த மூன்று முக்கிய சொத்துக்களைப் பாதுகாக்க மீண்டும் ஒருமுறை உழைக்க வேண்டும் என்பதே இந்த ஆண்டு கொண்டாட்டத்தின் முக்கிய செய்தி.
சர்வதேச தாய்மொழி தினத்தை முன்னிட்டு, 'தாய், தாய்மொழி, தாய்நாடு' என்ற தலைப்பில் நடந்த மூன்று கட்டுரை மற்றும் ஓவியப் போட்டிகளில் வெற்றி பெற்ற 15 பேருக்கு பரிசுகள் மற்றும் சான்றிதழ்கள் வழங்கப்பட்டன. ஓவியப் போட்டியில் வெற்றி பெற்ற மூன்று மாணவர்களும் பிரதமரிடம் இருந்து பரிசுகள் மற்றும் சான்றிதழ்களைப் பெற்றனர்.
இந்நிகழ்வில் பெபிலியான வெல்லம்பிட்டிய ரஜ மகா விகாராதிபதி சுமன தம்ம தேரர் உட்பட மகா சங்க உறுப்பினர்களும் கலந்துகொண்டனர். இந்நிகழ்வில் இந்தியா, பங்களாதேஷ், ரஷ்யா, மாலைதீவு மற்றும் பிரான்ஸ் ஆகிய நாடுகளின் கலாச்சார அம்சங்கள் மற்றும் சிங்கள மற்றும் தமிழ் பாடல்கள் இடம்பெற்றன.
யாழ்ப்பாணம், கொழும்பு, கன்பெறா, Australia, சிட்னி, Australia
11 Nov, 2025
அனலைதீவு, உருத்திரபுரம், திருவையாறு, Cergy-Pontoise, France
03 Nov, 2025
பர்மா, Burma, யாழ்ப்பாணம், கொழும்பு, Minnesota, United States, நியூ யோர்க், United States
05 Nov, 2025
