லங்காசிறி FM
திருடப்போன இடத்தில் தீக்குச்சி பற்ற வைத்ததால் ஏற்பட்ட சம்பவம்!
Sulokshi
விசுவமடு வள்ளுவர்புரம் பகுதியில் மோட்டார் சைக்கிளில் இருந்து பெட்ரோலை திருடும் போது போதிய வெளிச்சம் இல்லை என தீக்குச்சியை பற்ற வைத்த போது மோட்டார் சைக்கிள் தீ பிடித்தமையால் , பெட்ரோல் திருடிய சிறுவன் மாட்டிக்கொண்டுள்ளான்.
சம்பவம் தொடர்பில் மேலும் தெரியவருவதாவது. வீடொன்றில் நள்ளிரவு நேரம் புகுந்த சிறுவன் வீட்டினுள் நிறுத்தி வைக்கப்பட்டு இருந்த மோட்டார் சைக்கிள் ஒன்றில் இருந்து பெட்ரோலை போத்தலில் திருடியுள்ளான்.
அதன் பின்னர் அங்கிருந்த மற்றுமொரு மோட்டார் சைக்கிளில் பெட்ரோலை திருட முற்பட்ட வேளை , போதிய வெளிச்சம் இல்லாததால் , தீக்குச்சியை பற்ற வைத்து வெளிச்சம் பெற முயன்றுள்ளான். அவ்வேளை பெட்ரோல் சடுதியாக தீ பிடித்து மோட்டார் சைக்கிள் மீதும் தீ பற்றிக்கொண்டது.
அதனை அடுத்து சத்தம் கேட்டு வீட்டார், கண் முழித்த போது மோட்டார் சைக்கிள் எரிவதனை கண்டு , கூக்குரல் எழுப்ப அயலவர்கள் கூடி மோட்டார் சைக்கிளில் பற்றிய தீயினை அணைத்துள்ளனர்.
இருந்த போதிலும் மோட்டார் சைக்கிள் பகுதிகளவில் எரிந்து நாசமாகியுள்ளது. தொடர்ந்து வீட்டார் அயலவர்கள் இணைந்து அப்பகுதியில் தேடுதல் நடாத்திய வேளை வீட்டிற்கு அருகில் உள்ள பற்றைக்குள் பயத்தில் நடுங்கியவாறு மறைந்திருந்த சிறுவனை பிடித்துள்ளனர்.
குறித்த சிறுவன் அப்பகுதியில் கடந்த காலங்களில் இடம்பெற்ற திருட்டு சம்பவங்களுடன் தொடர்புடையவன் என அடையாளம் காணப்பட்ட நிலையில் சிறுவன் புதுக்குடியிருப்பு பொலிசாரிடம் ஒப்படைத்துள்ளனர்.
சண்டிலிப்பாய், காங்கேசன்துறை, அளவெட்டி வடக்கு, சிட்னி, Australia
02 Oct, 2020
புங்குடுதீவு 3ம் வட்டாரம், Herzogenbuchsee, Switzerland, Toronto, Canada, கரவெட்டி
05 Oct, 2022
புங்குடுதீவு 10ம் வட்டாரம், புங்குடுதீவு 9ம் வட்டாரம், யாழ்ப்பாணம், கொழும்பு
12 Oct, 2005
