லங்காசிறி FM
துமிந்த திசாநாயக்கவிற்கு எதிரான தங்க முலாம் பூசிய துப்பாக்கி வழக்கு ஒத்திவைப்பு
ஹெவ்லொக் சிட்டி வீடமைப்புத் தொகுதியில் தங்க முலாம் பூசப்பட்ட துப்பாக்கியொன்று கைப்பற்றப்பட்ட சம்பவம் தொடர்பில் பிரதிவாதிகளாகப் பெயரிடப்பட்டுள்ள முன்னாள் அமைச்சர் துமிந்த திசாநாயக்க மற்றும் பெண் ஒருவருக்கு எதிராகத் தாக்கல் செய்யப்பட்டுள்ள வழக்கைக் எதிர்வரும் நவம்பர் மாதம் 4 ஆம் திகதிக்கு ஒத்திவைக்க கொழும்பு மேல் நீதிமன்றம் உத்தரவிட்டுள்ளது.
இவ்வழக்கு கொழும்பு மேல் நீதிமன்ற நீதிபதி உதேஷ் ரணதுங்க முன்னிலையில் இன்று வெள்ளிக்கிழமை (02) விசாரணைக்கு எடுத்துக்கொள்ளப்பட்டது.
இதன்போது, பிரதிவாதிகளாகக் குறிப்பிடப்பட்டுள்ள முன்னாள் அமைச்சர் துமிந்த திசாநாயக்க மற்றும் கசகஸ்தான் நாட்டைச் சேர்ந்த ஐகுல் ஷெரகசினா ஆகிய இருவரும் நீதிமன்றத்தில் ஆஜராகியிருந்தனர்.
பிரதிவாதிகள் சார்பில் ஆஜராகும் ஜனாதிபதி சட்டத்தரணி சுகவீனம் அடைந்துள்ளமையினால், வழக்குக்கு முன்னைய மாநாட்டிற்காக இவ்வழக்கை மீண்டும் நவம்பர் மாதம் 4 ஆம் திகதி வரை ஒத்திவைக்க நீதிமன்றம் உத்தரவிட்டது.
கடந்த 2025 ஆம் ஆண்டு மே மாதம் 20 ஆம் திகதி வெள்ளவத்தை பகுதியில் அமைந்துள்ள ஹெவ்லொக் சிட்டி வீடமைப்புத் தொகுதியில் முறையான அனுமதிப்பத்திரமின்றி தங்க முலாம் பூசப்பட்ட துப்பாக்கியை வைத்திருந்தமை மற்றும் அதற்கு உதவி புரிந்தமை ஆகிய குற்றச்சாட்டுகளின் கீழ் சட்டமா அதிபரினால் பிரதிவாதிகளுக்கு எதிராகக் குற்றப்பத்திரிகை தாக்கல் செய்யப்பட்டுள்ளமை குறிப்பிடத்தக்கது.
புங்குடுதீவு 9ம் வட்டாரம், புங்குடுதீவு 12ம் வட்டாரம், கொழும்பு
29 Sep, 2026
நெடுந்தீவு மேற்கு, Jaffna, பாண்டியன்குளம், பிரான்ஸ், France, நோர்வே, Norway, ஜேர்மனி, Germany
29 Sep, 2026
நெடுந்தீவு கிழக்கு, கொழும்பு, பாண்டியன்குளம், Brampton, Canada
26 Sep, 2026
மானிப்பாய், Florida, United States, Southgate, United Kingdom
24 Sep, 2026
