லங்காசிறி FM
இலங்கைக்கு கடத்தப்படவிருந்த காய்ந்த இஞ்சி பறிமுதல்
Aanadhi
இந்தியாவின் தமிழ்நாட்டில் இருந்து இலங்கைக்கு கடத்தப்படவிருந்த ஒரு தொன் எடை கொண்ட காய்ந்த இஞ்சி (சுக்கு) இந்தியக் கடலோர பொலிஸாரால் பறிமுதல் செய்யப்பட்டுள்ளது.
ரோந்து பணி
தமிழ்நாட்டின், இராமநாதபுரம் மாவட்டம் மண்டபம் தாண்டி வேதாளை கடற்கரையில் மண்டபம் கடலோர பொலிஸார் ரோந்து பணியில் ஈடுபட்ட போது இலங்கைக்கு கடத்துவதற்காக 35 மூட்டைகளில் பொதி செய்யப்பட்டு வாகனமொன்றில் கொண்டு வரப்பட்ட சுமார் ஒரு தொன் எடை கொண்ட சுக்கு பறிமுதல் செய்யப்பட்டுள்ளது.
அதனை எடுத்து வந்த மர்ம நபர்கள் வாகனத்தையும் காய்ந்த இஞ்சியையும் கைவிட்டுத் தப்பியோடியுள்ளனர்.
அதனையடுத்து சுக்கு மற்றும் வாகனத்தை இந்தியக் கடலோர பொலிஸார் நேற்று இரவு (10) பறிமுதல் செய்துள்ளனர்.
இலங்கைக்கு கடத்த முயன்றுள்ளதாக தகவல்
பறிமுதல் செய்யப்பட்ட காய்ந்த இஞ்சியை, வேதாளை கடற்கரையில் இருந்து சட்டவிரோதமான முறையில் நாட்டுப்படகில் இலங்கைக்கு கடத்த முயன்றுள்ளதாக தகவல்கள் வெளியாகியுள்ளன.
பறிமுதல் செய்யப்பட்ட காய்ந்த இஞ்சி மண்டபம் சுங்கத்துறை அலுவலகத்தில் ஒப்படைக்கப்பட்டுள்ளது.
மேலும் பறிமுதல் செய்யப்பட்ட சுக்கின் மதிப்பு பல லட்சம் இருக்கலாம் எனவும் கைப்பற்றப்பட்ட சரக்கு வாகனத்தின் பதிவு எண் கொண்டு தப்பி ஓடிய மர்ம நபர்கள் குறித்து தீவிரமாக தேடி வருவதாக இந்தியக் கடலோர பொலிஸார் தெரிவித்துள்ளனர்.
இந்தியக் கடலோர பொலிஸாரால் பறிமுதல் செய்யப்பட்ட சுக்கு மற்றும் சரக்கு வாகனமும் மண்டபத்தில் உள்ள சுங்கத்துறை அலுவலகத்தில் ஒப்படைக்கப்பட்டுள்ளன.
கரம்பொன் கிழக்கு, பண்டத்தரிப்பு, கொழும்பு சொய்சாபுரம், London, United Kingdom, Borehamwood, United Kingdom
17 Aug, 2025