லங்காசிறி FM
கடற்கரையில் கைவிடப்பட்ட மூட்டைகள்; 475 கிலோ போதைப்பொருட்கள்!
மீட்கப்பட்ட பொதிகளில் 475 kgக்கும் அதிகமான ஐஸ் மற்றும் ஹெரோயின்
மாத்தறை, தலல்ல, நாவோட்டுன்ன கடல் மற்றும் கடற்கரைப் பகுதியில் இன்று (24) காலை மேற்கொள்ளப்பட்ட விசேட தேடுதல் நடவடிக்கையின்போது, 475 கிலோ கிராமுக்கும் அதிகமான ஐஸ் மற்றும் ஹெரோயின் போதைப்பொருள் தொகையைக் கைப்பற்றியுள்ளதாக கடற்படை தெரிவித்துள்ளது.
இலங்கை கடலோரப் பாதுகாப்புத் திணைக்களத்திற்குக் கிடைத்த நம்பகரமான தகவலுக்கமைய மேற்கொள்ளப்பட்ட இந்த விசேட கூட்டு நடவடிக்கையின்போது, நாவோட்டுன்ன கடற்கரையில் இருந்த போதைப்பொருள் என சந்தேகிக்கப்படும் 10 சாக்குப்பைகளும், 11 பயணப் பைகளும் ஒரு டிங்கு படகும் கைப்பற்றப்பட்டன.
விசேட கூட்டு நடவடிக்கை
பொலிஸ் போதைப்பொருள் தடுப்புப் பிரிவினரின் நிபுணத்துவ உதவியுடன் இப்போதைப்பொருள் தொகை தொடர்பில் மேற்கொள்ளப்பட்ட மேலதிக பரிசோதனையில், அத்தொகுதியில் 200 கிலோ கிராமுக்கும் அதிகமான ஐஸ் போதைப்பொருளும், 275 கிலோ கிராமுக்கும் அதிகமான ஹெரோயின் போதைப்பொருளும் உள்ளமை உறுதிப்படுத்தப்பட்டது.
குறித்த போதைப்பொருள் தொகையும் டிங்கு படகும் மேலதிக சட்டநடவடிக்கைகளுக்காக பொலிஸ் போதைப்பொருள் தடுப்புப் பிரிவினரிடம் ஒப்படைக்கப்பட்டுள்ளன.
முதலாம் இணைப்பு
மாத்தறை, தலல்ல – நவதுன்ன கடற்கரையில் இன்று (24) காலை போதைப்பொருள் எனச் சந்தேகிக்கப்படும் பொருட்கள் அடங்கிய 10 மூட்டைகளும் 11 பயணப் பொதிகளும் மீட்கப்பட்டுள்ளதாக இலங்கை கடற்படை தெரிவித்துள்ளது.
இலங்கை கடற்படையும் இலங்கை கடலோரக் காவல்படையும் இணைந்து முன்னெடுத்த விசேட தேடுதல் நடவடிக்கையின்போதே குறித்த பொதிகள் மீட்கப்பட்டுள்ளன.
மீட்கப்பட்ட மூட்டைகள் மற்றும் பயணப் பொதிகளில் உள்ள பொருட்கள் தொடர்பில் மேலதிக விசாரணைகள் முன்னெடுக்கப்பட்டு வருகின்றன.
இது தொடர்பான மேலதிக விபரங்கள், ஓய்வுபெற்ற கடற்படை தளபதி அருண ஜயசேகர தலைமையில் இன்று பிற்பகல் 1 மணிக்கு நடைபெறவுள்ள ஊடகவியலாளர் சந்திப்பில் வெளியிடப்படும் என எதிர்பார்க்கப்படுகிறது.
குப்பிளான், London, United Kingdom, பிரான்ஸ், France
23 Oct, 2021
அனலைதீவு, உருத்திரபுரம், திருவையாறு, Cergy-Pontoise, France
03 Nov, 2025
திருநெல்வேலி, யாழ்ப்பாணம், Idar- Oberstein, Germany, Coventry, United Kingdom
18 Oct, 2026
புங்குடுதீவு 2ம் வட்டாரம், புங்குடுதீவு 12ம் வட்டாரம், Markham, Canada
17 Oct, 2024