லங்காசிறி FM
சூரிய சக்தியில் இயங்கும் புதிய படகுச் சேவை
Sundaresan
பத்தரமுல்லை, தியத்த உயன மற்றும் அக்கொன, ஹீனட்டி கும்புர ஆகிய பகுதிகளிலிருந்து வெள்ளவத்தை வரை சூரிய சக்தியில் இயங்கும் படகு சேவை ஆரம்பிக்கப்பட்டுள்ளது.
கொழும்பில் நாளாந்தம் ஏற்படும் போக்குவரத்து நெரிசலுக்கு தீர்வாக இந்த சேவை அமையும் என நகர அபிவிருத்தி மற்றும் வீடமைப்பு அமைச்சு குறிப்பிட்டுள்ளது.
இந்த படகு சேவை கடந்த செப்டம்பர் 23ம் திகதி முதல் அமல்படுத்தப்பட்டது. அமைச்சர் பிரசன்ன ரணதுங்கவின் அறிவுறுத்தலின் பேரில், நில மீட்பு மற்றும் அபிவிருத்தி கூட்டுத்தாபனம் மற்றும் ஜென்சோ பவர் டெக்னாலஜி பிரைவேட் லிமிடெட் இணைந்து இந்த பயணிகள் படகு சேவையை ஆரம்பித்துள்ளன.
இந்த படகுகள் பத்தரமுல்லை தியத்த உயன மற்றும் ஹீனடி கும்புரவிலிருந்து வெள்ளவத்தையை 30 நிமிடங்களுக்குள் சென்றடையலாம். பத்தரமுல்லையில் இருந்து வெள்ளவத்தைக்கு பயணிக்க ஒரு நபருக்கு 200 ரூபாவும், அதேவேளையில் ரூ. அகோன, ஹீனடி கும்புர முதல் வெள்ளவத்தை வரை 300 ரூபா அறவிடப்படும்.
இந்த படகு சேவையானது தினசரி அலுவலக நேரங்களில் இயங்கும் மற்றும் ஒரு படகில் 8 பேர் பயணம் செய்வதற்கான போக்குவரத்து வசதிகளை வழங்குகிறது.
பத்தரமுல்லை மற்றும் அதனை சுற்றியுள்ள அரச மற்றும் தனியார் அலுவலகங்கள், கேட்வே சர்வதேச பாடசாலை, நாவல திறந்த பல்கலைக்கழகம், 176 பஸ் பாதை, 138 மற்றும் 122 பஸ் பாதைகள், வெள்ளவத்தை புகையிரத நிலையம் ஆகிய இடங்களுக்கு இந்த படகு சேவை மூலம் இலகுவாக செல்ல முடியும்.
Kuala Lumpur, Malaysia, தொல்புரம், Gunzenhausen, Germany
24 Sep, 2025
கஸ்தூரியார் வீதி, யாழ்ப்பாணம், நீர்வேலி
28 Sep, 2021
மாவிட்டபுரம், யாழ். அத்தியடி, உரும்பிராய், திருகோணமலை, Milton, Canada
21 Sep, 2025