லங்காசிறி FM
இரு லொறிகளில் அடுத்தடுத்து மோதிய பேருந்து; மிதிபலகையில் பயணம் செய்தவர் உயிரிழப்பு
Sulokshi
புத்தளம் - அனுராதபுரம் வீதியில் அமைந்துள்ள 6ஆம் கந்தை பகுதியில் பஸ்ஸின் மிதிபலகையில் பயணித்த ஒருவர் உயிரிழந்துள்ளார்.
அத்துடன் மற்றுமொருவர் படுகாயமடைந்த நிலையில் புத்தளம் வைத்தியசாலையில் அனுமதிக்கப்பட்டுள்ளதாக புத்தளம் தலைமையக பொலிஸார் தெரிவித்தனர்.
வவுனியாவிலிருந்து கொழும்பு சென்ற தனியார் பஸ்
இவ்விபத்து இன்று (19) இடம்பெற்றுள்ளதாக பொலிஸார் தெரிவித்தனர். உயிரிழந்தவர் கருவலகஸ்வெவ மேல் புளியங்குளம் பகுதியை சேர்ந்த 44 வயதுடையவர் என்றும் அவர் மூன்று பிள்ளைகளின் தந்தை எனவும் பொலிஸார் தெரிவித்தனர்.
வவுனியாவிலிருந்து கொழும்பு நோக்கிச் சென்ற தனியார் பஸ் அதன் வேகக் கட்டுப்பாட்டை இழந்து, வீதிக்கு செலுத்த முற்பட்ட லொறியில் மோதியுள்ளது. இதன்போது வீதியில் நிறுத்தி வைக்கப்பட்டிருந்த மற்றுமொரு லொறியின் மீதும் மோதி விபத்துக்குள்ளாகியுள்ளது.
விபத்தில் பேருந்தின் மிதிபலகையில் நின்றுகொண்டிருந்த இருவர் தவறுதலாக வீதியில் வீழ்ந்துள்ளனர். வீதியில் விழுந்த இருவரில் ஒருவர் மீது பஸ் சக்கரம் ஏறியதால் அந்த நபர் ஸ்தலத்திலேயே உயிரிழந்துள்ளார்.
உயிரிழந்தவரின் சடலம் புத்தளம் ஆதார வைத்தியசாலையின் பிரேத அறையில் வைக்கப்பட்டுள்ளது.
விபத்துடன் தொடர்புடைய பஸ் சாரதி, நடத்துநர் மற்றும் லொறி சாரதி ஆகியோர் கைது செய்யப்பட்டுள்ளதாக தெரிவித்த பொலிஸார் மேலதிக விசாரணைகளில் ஈடுபட்டுள்ளனர்.
யாழ்ப்பாணம், கொக்குவில், Wellawatte, Pinner, United Kingdom
04 Aug, 2025
வவுனியா, Lewisham, United Kingdom, Lee, United Kingdom, Orpington, United Kingdom
10 Aug, 2025
வேலணை 1ம் வட்டாரம், மண்கும்பான் மேற்கு, Liestal, Switzerland
10 Aug, 2025
புங்குடுதீவு 1ம் வட்டாரம், புங்குடுதீவு, India, Lausanne, Switzerland
09 Aug, 2025
