லங்காசிறி FM
கனடாவில் 6 இலங்கையர்கள் கொல்லப்பட்ட சம்பவம்... பொலிஸார் வெளியிட்ட பரபரப்பு தகவல்!
Shankar
கனடா தலைநகர் ஒட்டாவாவில் அண்மையில் 6 இலங்கையர்கள் கொல்லப்பட்ட சம்பவத்தில், ஒட்டாவா பொலிஸார் பல தவறான தகவல் தொடர்புகளை மேற்கொண்டுள்ளதாக தெரிவிக்கப்பட்டுள்ளது.
இது தொடர்பான கனேடிய ஒலிபரப்புக் கழகம் (சிபிசி) அறிக்கையை இன்றையதினம் (12-03-2024) முன்வைத்தது.
கடந்த 06-03-2024 திகதி இரவு ஒட்டாவாவுக்கு அருகில் உள்ள பார்ஹெவன் பிரதேசத்தில் வீடொன்றில் இலங்கைத் தாயும் அவரது 4 குழந்தைகளும் மற்றுமொரு இலங்கை ஆணும் கொல்லப்பட்டதுடன் பெண்ணின் கணவர் படுகாயமடைந்தார்.
ஒட்டாவா நகரின் சமீபத்திய வரலாற்றில் இது மிக மோசமான படுகொலை இதுவாகும், மேலும் ஒட்டாவா பொலிஸார் இது தொடர்பான தகவல்களை வழங்கும் போது பல தவறுகளை செய்துள்ளது.
ஒட்டாவா பொலிஸார் செய்த முதல் தவறு இந்த சம்பவத்தை பாரிய துப்பாக்கிச்சூடு என்று அழைத்தது என்று கனேடிய ஒலிபரப்புக் கழகம் தெரிவித்துள்ளது.
பின்னர், இது கூரிய ஆயுதத்தால் செய்யப்பட்ட கொலை என்று ஒட்டாவா பொலிஸார் சரி செய்தனர்.
இச் சம்பவம் ஒட்டாவா நேரப்படி இரவு 10:52 மணிக்கு அவசர சேவைக்கு அறிவிக்கப்பட்டதாக பொலிஸார் முதலில் தெரிவித்தனர்.
இருப்பினும், சந்தேகநபர் இரவு 11 மணியளவில் கைது செய்யப்பட்டதாக சட்டமா அதிபர் திணைக்கள அதிகாரிகள் நீதிமன்றில் தெரிவித்தனர்.
பொலிஸ் ஊடகவியலாளர் சந்திப்பின் போது கொலைச் சம்பவம் தொடர்பில் கைது செய்யப்பட்ட 19 வயதுடைய சந்தேகநபரின் பெயர் தவறாக குறிப்பிடப்பட்டமை பாரிய தகவல் தொடர்பு பிழை எனவும் சிபிசி செய்தி சேவை கூறுகிறது.
சந்தேக நபரின் பெயர் பெப்ரியோ டி சொய்சா என்ற போதிலும், ஒட்டாவா பொலிஸ் தலைமை அதிகாரி, அவரை பிரேன்க் டி சொய்சா என அடையாளப்படுத்தினார்.
இதேவேளை இச்சம்பவத்தில் உயிரிழந்தவர்களின் பெயர் பட்டியலை 3 முறை சரி செய்து, மூன்றாவது மின்னஞ்சல் செய்தியில் இருந்து இறுதி பெயர் பட்டியல் பெறப்பட்டது.
இந்த தவறுகளை ஒப்புக்கொண்ட ஒட்டாவா பொலிஸார், கொலை விசாரணைகள் மிகவும் சிக்கலானது என்றும், அவ்வப்போது தகவல்கள் மாறுவதாகவும் கூறியுள்ளனர்.
உடுவில் தெற்கு, Stuttgart, Germany, Scarborough, Canada
10 Jun, 2025
ஏழாலை, யாழ்ப்பாணம், கொழும்பு, மெல்போன், Australia, சிட்னி, Australia
16 Jun, 2024
வேலணை 4ம் வட்டாரம், Basel-City, Switzerland, Breitenbach, Switzerland
02 Jun, 2025
திருகோணமலை, மூதூர், புதுக்குடியிருப்பு, பருத்தித்துறை, Catford, United Kingdom
13 Jun, 2015
