லங்காசிறி FM
துப்பாக்கிச்சூட்டில் உயிரிழந்த இரு பொலிஸ் அதிகாரிகள் உட்பட 4 பேர்! வெளியான பரபரப்பு பின்னணி
Shankar
அம்பாறை பகுதியில் இடம்பெற்ற துப்பாக்கிச்சூட்டில் இரண்டு பொலிஸ் அதிகாரிகள் உட்பட நால்வர் உயிரிழந்துள்ளனர்.
குறித்த சம்பவம் இன்றையதினம் (04-08-2024) அதிகாலை 2.30 மணியளவில் இடம்பெற்றுள்ளது.
அம்பாறை, நாமல் ஓயா பகுதியில் உள்ள கராண்டுகல உப பொலிஸ் நிலையத்தில் கடமையாற்றும் பொலிஸ் அதிகாரிகளினால் இந்த துப்பாக்கிச் சூடு மேற்கொள்ளப்பட்டுள்ளது.
இந்த சம்பவத்தில் இக்கினியாகல பொலிஸ் நிலையத்தில் கடமையாற்றும் பொலிஸ் அதிகாரி உட்பட துப்பாக்கி சூட்டில் ஈடுபட்ட பொலிஸ் அதிகாரியின் மனைவி மற்றும் மாமி ஆகியோர் உயிரிழந்ததுடன், துப்பாக்கிச் சூட்டில் ஈடுபட்ட 33 வயதான பொலிஸ் அதிகாரி தனது துப்பாக்கியினால் சுட்டு தற்கொலை செய்து கொண்டுள்ளதாக பொலிஸார் தெரிவித்துள்ளனர்.
இதேவேளை, மொனராகலை சிரேஸ்ட பொலிஸ் அத்தியட்சகர் பிரிவிற்குள் உள்ளடங்கும் கராண்டுகல உப பொலிஸ் நிலையத்தில் கடமையாற்றும் பொலிஸ் அதிகாரி ஒருவரே இவ்வாறு தன்னைத்தானே சுட்டு தற்கொலை செய்து கொண்டுள்ளதாக பொலிஸார் தெரிவித்தனர்.
குறித்த சம்பவம் குடும்ப பிரச்சினை காரணமாக இடம்பெற்றுள்ளதா அல்லது இதர காரணங்களினால் இடம்பெற்றுள்ளதா என்பது தொடர்பில் விசாரணைகளை பொலிஸார் மேற்கொண்டுள்ளனர்.
யாழ்ப்பாணம், மானிப்பாய், தொல்புரம், London, United Kingdom
12 Sep, 2024
