லங்காசிறி FM
யாழ் சிறைச்சாலைக்குள் கடும் சித்தரவதை ; பறிபோன இளம் குடும்பஸ்தரின் உயிர்
யாழ்ப்பாண சிறைச்சாலைக்குள் கடுமையான சித்தரவதை காரணமாக விளக்கமறியல் கைதி ஒருவர் பிணையில் விடுவிக்கப்பட்ட மறுநாள் யாழ் போதனா வைத்தியசாலையில் உயிரிழந்த சம்பவம் அதிர்ச்சியை ஏற்படுத்தியுள்ளது.
சந்தேக நபரான இளவாளைப் பகுதியைச் சேர்ந்த 3 சிறு பெண் பிள்ளைகளின் தந்தையான 39 வயதான நபர் தனது மனைவியை தகாத முறையில் ஏசி தாக்க முயன்ற தனது தங்கையின் கணவனை தாக்கிய காரணத்தால் கைது செய்யப்பட்டு 24.08.2026 அன்று விளக்கமறியலில் வைக்கப்பட்டார்.
தங்கையின் கணவனை தாக்கிய காரணத்தால் கைது
விளக்கமறியலில் வைக்கப்பட்ட நாட்களில் சிறைச்சாலையில் கடுமையான முறையில் சித்திரவதைக்கு உட்படுத்தப்பட்டதாகத் தெரியவருகின்றது. இதன் காரணமாக உடற்பகுதியில் காயங்களும் உட்காயங்களும் காணப்பட்டு அதனால் கிருமித் தொற்று ஏற்பட்டு கடும் காய்ச்சலுக்கு உள்ளாகியதாகவும் கூறப்படுகின்றது.
இது தொடர்பாக தன்னை சிறைச்சாலையில் பார்க்க வந்த மனைவியிடம் தெரிவித்து உடனடியாக சட்டத்தரணியை தொடர்பு கொண்டு தனக்கான சிகிச்சைக்குரிய ஏற்பாடுகளை செய்து தருமாறும் அழுது கோரியுள்ளார்.
உடனடியாகவே மனைவி மல்லாகம் பகுதியைச் சேர்ந்த பெண் சட்டத்தரணி ஒருவரிடம் முறையிட்டுள்ளார். குறித்த பெண் சட்டத்தரணியே இந்த வழக்கை தொடக்கத்திலிருந்து கையாண்டு வந்துள்ளார்.
இருப்பினும் குறித்த குடும்பஸ்தரை நீதிமன்றத்திற்கு கொண்டு வந்த 4 தடவைகளும் சட்டத்தரணில் நீதிமன்றத்தில் ஆயராகவில்லை எனத் தெரியவருகின்றது.
இந் நிலையில் கடந்த 16ம் திகதி மல்லாகம் நீதிமன்றத்திற்கு நடக்க முடியாது 4 சிறைக்காவலர்களால் துாக்கி வரப்பட்ட குடும்பஸ்தர். பிணையில் விடுவிக்கப்பட்ட போது இரத்தவாந்தி எடுத்ததுடன் ஆடையுடன் கருமையான நிறத்தில் மலம் வெளியேறிய நிலையில் மயக்கமடைந்துள்ளார்.
இதனையடுத்து தெல்லிபழை வைத்தியசாலைக்கு கொண்டு செல்லப்பட்டு மேலதிக சிகிச்சைகளுக்காக யாழ் போதனா வைத்தியசாலையில் அனுமதிக்கப்பட்ட நிலையில் அடுத்தநாள் கடந்த 17 ஆம் திகதி உயிரிழந்துள்ளதாக தெரிவிக்கப்படுகின்றது.
புங்குடுதீவு 3ம் வட்டாரம், Herzogenbuchsee, Switzerland, Toronto, Canada, கரவெட்டி
05 Oct, 2022
