அரிசி லொறி கொள்ளை; சம்பத் மனம்பேரி தீர்ப்பு ஒத்திவைப்பு

Sri Lanka Police Rice High Court of Sri Lanka

By Sulokshi Nov 03, 2026 06:15 AM GMT

Sulokshi

Report

அரிசி லொறி ஒன்றைக் கொள்ளையடித்த சம்பவம் தொடர்பில், முன்னாள் பொலிஸ் அதிகாரி சம்பத் மனம்பேரி உள்ளிட்ட சந்தேக நபர்களுக்கு எதிராகத் தாக்கல் செய்யப்பட்டுள்ள வழக்கின் தீர்ப்பு அறிவிக்கும் நடவடிக்கையை கொழும்பு மேல் நீதிமன்றம் ஒத்திவைத்துள்ளது.

அதன்படி, எதிர்வரும் 13ஆம் திகதி வரை இந்த வழக்கின் தீர்ப்பு அறிவிக்கப்படும் என கொழும்பு மேல் நீதிமன்றம் உத்தரவிட்டுள்ளது.

அரிசி லொறி கொள்ளை; சம்பத் மனம்பேரி தீர்ப்பு ஒத்திவைப்பு | Theft Of A Lorry Load Of Rice Sampath Manamperi

கொழும்பு மேல் நீதிமன்ற நீதிபதி ரஷந்த கோடவெல முன்னிலையில் இந்த வழக்கு விசாரணைக்கு எடுத்துக்கொள்ளப்பட்டது.

இதன்போது, விளக்கமறியலில் வைக்கப்பட்டிருந்த பிரதிவாதியான சம்பத் மனம்பேரி நீதிமன்றத்தில் முன்னிலைப்படுத்தப்பட்டிருந்ததுடன் ஏனைய பிரதிவாதிகளும் நீதிமன்றத்தில் ஆஜராகியிருந்தனர்.

இதன்போது, இந்த வழக்கின் தீர்ப்பு நவம்பர் 13 ஆம் திகதி அறிவிக்கப்படும் என நீதிபதி உத்தரவிட்டார். கடந்த 2009 ஆம் ஆண்டு நாரஹேன்பிட்டி பகுதியில் அரிசி லொறி ஒன்றை கொள்ளையிட்ட சம்பவம் தொடர்பில் சம்பத் மனம்பேரி உள்ளிட்ட பிரதிவாதிகள் குழுவினருக்கு எதிராக சட்டமா அதிபரால் இந்த வழக்கு தாக்கல் செய்யப்பட்டுள்ளது