லங்காசிறி FM
இலங்கைக்கு எதிரான புதிய தீர்மானத்தால் நாடு எதிர்கொள்ளும் சிக்கல்
ஐ.நா. சபையின் மனித உரிமைகள் பேரவையில் இலங்கைக்கு எதிராக புதிய தீர்மானம் நிறைவேற்றப்பட்டதைத் தொடர்ந்து, நாடு ஜி.எஸ்.பி பிளஸ் வர்த்தக சலுகையை இழக்கக்கூடும் என நாடாளுமன்ற உறுப்பினர் பாட்டலி சம்பிக ரணவக்க எச்சரித்துள்ளார்.
கொழும்பில் ஊடகங்களுடன் பேசியபோதே சம்பிக்க ரணவக்க இதனை தெரிவித்தார்.
இதன்போது அவர் மேலும் தெரிவிக்கையில்,
ஒழுங்கமைக்கப்பட்ட வேலைத்திட்டம் இல்லாததால், உலக அரங்கில் அரசாங்கம் தோற்கடிக்கப்பட்டதாகவும் அவர் குறிப்பிட்டார்.
12,000 முன்னாள் போராளிகளை விடுவிப்பது போன்ற குறுகிய பார்வை முடிவுகளுடன், அரசாங்கம் தமிழ் அரசியல் பரப்பை கட்டுப்படுத்துவதை நோக்கமாகக் கொண்டிருந்தது.
அத்துடன் முஸ்லீம் அரசியல் பரப்பைக் கட்டுப்படுத்தும் முயற்சியில் சஹ்ரான் ஹாஷிம் உள்ளிட்ட தவ்ஹீத் ஜாம்அத் குழுக்களுக்கும் அரசாங்கம் சம்பளம் வழங்கியது.
உள்ளூர் மற்றும் சர்வதேச பங்காளிகளுடன் அரசாங்கம் பணியாற்ற வேண்டும் என்றும் எல்.எல்.ஆர்.சி அறிக்கை மற்றும் டெஸ்மண்ட் சில்வா அறிக்கையில் சேர்க்கப்பட்டுள்ள பரிந்துரைகளை செயல்படுத்த வேண்டும்.
மேலும் தற்போதைய நிர்வாகம் உள்நாட்டு அரசியல் துறையில் ஒரு ஒழுங்கமைக்கப்பட்ட வேலைத்திட்டத்தைக் கொண்டிருந்தால், அது சர்வதேச சமூகத்தின் முன் இதுபோன்ற பெரிய தோல்விகளை சந்திப்பதை தவிர்க்கும் என்றும் நாடாளுமன்ற உறுப்பினர் பாட்டலி சம்பிக ரணவக்க இதன்போது சுட்டிக்கட்டினார்.
கரவெட்டி மேற்கு, Lewisham, United Kingdom
12 Sep, 2003
யாழ்ப்பாணம், நெடுந்தீவு, பண்டத்தரிப்பு, Goslar, Germany, Breda, Netherlands, Montreal, Canada
29 Sep, 2026
