யாழில் தமிழ் மக்கள் கூட்டணி ஆதரவாளர்கள் மீது கொடூர தாக்குதல்... பெண் அதிதீவிர சிகிச்சை பிரிவில்

Sri Lanka Police Jaffna Sri Lanka Politician

By Shankar Oct 27, 2024 01:58 AM GMT

Shankar

Report

யாழ்.கோப்பாயில் உள்ள கரந்தன் பகுதியில் தேர்தல் பிரசாரத்தில் ஈடுபட்டுக் கொண்டிருந்த தமிழ் மக்கள் கூட்டணியின் ஆதரவாளர்கள் மீது கொலை வெறி தாக்குதல் நடாத்தப்பட்டுள்ளதாக தெரிவிக்கப்பட்டுள்ளது.

யாழில் தமிழ் மக்கள் கூட்டணி ஆதரவாளர்கள் மீது கொடூர தாக்குதல்... பெண் அதிதீவிர சிகிச்சை பிரிவில் | Tamil People S Alliance Supporters Attacked Jaffna

இந்த தாக்குதல் சம்பவம் இன்றையதினம் (26-10-2024) இடம்பெற்றுள்ளது.

இச்சம்பவம் தொடரில் மேலும் தெரியவருவதாவது,

ககரந்தன் பகுதியில் தமிழ் மக்கள் கூட்டணியின் ஆதரவாளர்கள் இன்று மாலை தேர்தல் பிரசாரத்தில் ஈடுபட்டுக் கொண்டிருந்தனர்.

இதன்போது முச்சக்கரவண்டியில் வந்த 4 பேர் அடங்கிய குழு ஒன்று அவர்கள் மீது தாக்குதல் நடத்தியது. இதேவேளை அவர்கள் அந்த தாக்குதலை எதிர்த்தனர்.

இந்நிலையில் திரும்பிச் சென்ற குழு சுமார் 30 பேர் அடங்கிய குழுவினரை அழைத்து வந்து அங்கு பிரசாரத்தில் ஈடுபட்ட பெண்கள் மற்றும் ஆண்கள் மீது மீண்டும் கொலை வெறி தாக்குதலை மேற்கொண்டனர்.

குறித்த கொடூரத் தாக்குதலில் படுகாயமடைந்த ஒரு பெண் உட்பட மூவர் யாழ். போதனா வைத்தியசாலையில் சிகிச்சைக்காக அனுமதிக்கப்பட்டுள்ளனர்.

குறித்த பெண் அதிதீவிர சிகிச்சை பிரிவிலும் ஏனைய இருவரும் 24 ஆம் இலக்க விடுதியிலும் சிகிச்சை பெற்று வருவதாக அறிய முடிகிறது.

இச்சம்பவம் தொடர்பில் கோப்பாய் பொலிஸ் நிலையத்தில் முறைப்பாடு பதிவு செய்ய உள்ளதாக தமிழ் மக்கள் கூட்டணியின் முதன்மை வேட்பாளர் சட்டத்தரணி விஸ்வலிங்கம் மணிவண்ணன் தெரிவித்துள்ளார்.