யாழில் அரசியல்வாதி ஒருவரின் மகன்கள் அதிரடி கைது ; நிறைமாத கர்ப்பிணிப் பசுவிற்கு நடத்தப்பட்ட சம்பவம்

யாழ்ப்பாணம் – புங்குடுதீவில் நிறைமாத கர்ப்பிணிப் பசு உட்பட இரண்டு பசுக்கள் சட்டவிரோதமாக இறைச்சிக்காகக் கொல்லப்பட்ட சம்பவம் தொடர்பில் அரசியல் கட்சி ஒன்றின் உறுப்பினர் ஒருவரின் இரண்டு மகன்களே இவ்வாறு கைது செய்யப்பட்டுள்ளதாகப் பொலிஸார் தெரிவித்துள்ளனர்.

குறித்த சம்பவம் நேற்று முன்தினம் அதிகாலை புங்குடுதீவு - மடத்துவெளி வயலூர் முருகன் கோவிலுக்கு அருகிலுள்ள தனியார் காணியில் இடம்பெற்றுள்ளது.

 சட்டவிரோத செயல்

பிரதான வீதியிலிருந்து சுமார் 50 மீற்றர் தொலைவில் அமைந்துள்ள குறித்த காணிக்குள் புகுந்த அடையாளம் தெரியாத நபர்கள், நிறைமாத கர்ப்பிணிப் பசு ஒன்றையும் மற்றுமொரு பசுவையும் இறைச்சிக்காகக் கொன்றுள்ளனர்.

இதன்போது, கர்ப்பிணிப் பசுவின் வயிற்றிலிருந்த முழுமையான உடலமைப்பைக் கொண்ட கன்றை வெளியே எடுத்து வீசிய பின்னர், பசுவை இறைச்சியாக்கியுள்ளதாகத் தெரிவிக்கப்படுகிறது.

இதனையடுத்து, பொதுமக்களின் நடமாட்டத்தைக் கண்ட சந்தேகநபர்கள், கொல்லப்பட்ட மற்றைய பசுவைக் கைவிட்டுவிட்டு அங்கிருந்து தப்பிச் சென்றுள்ளனர்.

தவெக ஆட்சியை கவிழ்க்க 30 கோடி பேரம்

அத்துடன், சம்பவ இடத்தில் சட்டவிரோதமாக இறைச்சியாக்குவதற்காகக் கட்டப்பட்டிருந்த மற்றுமொரு பசுவை கிராம அலுவலர் உள்ளிட்ட பலர் இணைந்து மீட்டுள்ளனர்.

இச்சம்பவம் தொடர்பில் ஊர்காவற்றுறை பொலிஸ் நிலைய குற்றத்தடுப்புப் பிரிவின் பொறுப்பதிகாரிக்கு வழங்கப்பட்ட தகவலையடுத்து, அவர் பொலிஸ் உத்தியோகத்தர் ஒருவருடன் சம்பவ இடத்துக்குச் சென்று விசாரணைகளை முன்னெடுத்துள்ளார்.

இதன்போது, புங்குடுதீவு ஏழாம் வட்டாரம் ஊரதீவு பாணாவிடை சிவன் கோவிலுக்கு அருகிலுள்ள மீன் வாடி ஒன்றில் பொலிஸார் சோதனை நடத்தியுள்ளனர்.

யாழில் பாடசாலைப் பைக்குள் காத்திருந்த ஷாக் ; சுற்றிவளைப்பில் சிக்கிய நபர்

அங்கு மாடுகளைப் பிடிப்பதற்குப் பயன்படுத்தப்படும் ஏராளமான கேபிள் கம்பிகளும், மாடுகளை வெட்டுவதற்குப் பயன்படுத்தப்பட்ட கத்திகளும் மீட்கப்பட்டுள்ளன.

இதன்போது, அங்கிருந்த இருவர் பொலிஸாரால் கைது செய்யப்பட்டுள்ளனர். குறித்த மீன் வாடியின் உரிமையாளர் அரசியல் கட்சி ஒன்றின் உறுப்பினர் என்றும் தெரிவிக்கப்படுகிறது. புங்குடுதீவில் திருமணம் செய்துள்ள அவருடைய இரண்டு மகன்களே இவ்வாறு கைது செய்யப்பட்டுள்ளதாகப் பொலிஸார் தெரிவித்துள்ளனர்.