லங்காசிறி FM
கடல் சீற்றத்தின் உச்சம் ; முல்லைத்தீவு பகுதியின் தற்போதைய நிலவரம்
Sahana
முல்லைத்தீவு மாவட்டம் முழுவதும் பரவலாக ஏற்பட்டுள்ள வெள்ளப்பெருக்கு காரணமாக, மாவட்டத்திற்குள் செல்லும் அனைத்து நிலப் பாதைகளும் மூன்று அடி உயரத்திற்கு மேல் நீர் பாய்வதால் முற்றிலுமாக மூடப்பட்டுள்ளன என்று சமீபத்தில் கிடைத்த உறுதிப்படுத்தப்பட்ட தகவல்கள் தெரிவிக்கின்றன.
பகுதியில் மின்சாரம் முழுமையாக துண்டிக்கப்பட்டுள்ளதால், அதை சரிசெய்ய வெளி மாவட்டங்களிலிருந்து வர வேண்டிய தொழிற்நுட்ப ஊழியர்கள் உள்ளே நுழைய முடியாத நிலை ஏற்பட்டுள்ளது.
விசுவமடு சாலையில் 4 முதல் 5 அடி உயரத்தில் நீர் பாய்கின்றது; ஒட்டிசுட்டான் பாதையிலும் அதே அளவு வெள்ளம் காணப்படுகின்றது.
முல்லைத்தீவு மாவட்டத்தில் தற்போது உள்ள பாதுகாப்பு படையினரின் எண்ணிக்கை குறைவாக இருப்பதால் உடனடி உதவி வழங்க முடியாத நிலை உருவாகியுள்ளது.
பிற பகுதிகளில் இருந்து உதவிக்காக படையினர் வர முயற்சித்தாலும், தரை வழியாக மாவட்டத்துக்குள் நுழைவது சாத்தியமாகவில்லை. தொலைத்தொடர்பு வசதிகள் மீண்டும் இயல்புக்கு வர குறைந்தது இரண்டு நாட்கள் பிடிக்கும் என அதிகாரிகள் தெரிவித்துள்ளனர்.
மாவட்டத்தில் உள்ள பெரும்பாலான சிறு குளங்கள் உடைந்துள்ளன; வட்டுவாகல் உள்ளிட்ட முக்கிய இடங்களிலும் சாலைகள் பல இடங்களில் தானாக இடிந்து உடைந்துள்ளன.
மாவட்டத்திலுள்ள பெரும்பாலான மக்கள் தற்போது பள்ளிகள் மற்றும் உயரமான பகுதிகளில் தங்க வைக்கப்பட்டுள்ள நிலையில், அவர்களுக்கு உணவுப் பொருட்கள் வழங்குவதும் சவாலாகியுள்ளது.
தொலைத்தொடர்பு வசதி இல்லாததால் எவ்வித அதிகாரப்பூர்வ அறிவிப்புகளையும் மக்களிடம் கொண்டு சேர்க்க முடியாத நிலை நீடிக்கிறது. கடல் சீற்றம் அதிகரித்துள்ளதால் கரையோர மக்களை பாதுகாப்பான பகுதிகளுக்கு வெளியேற்றியுள்ளனர்.
இதுவரை உயிர் சேதம் ஏதும் பதிவாகவில்லை எனவும் தகவல் வெளியாகியுள்ளது.
புங்குடுதீவு 2ம் வட்டாரம், வட்டக்கச்சி இராமநாதபுரம், Woodbridge, Canada
22 Nov, 2025
சிங்கப்பூர், Singapore, அளவெட்டி, மல்லாகம், Newbury Park, United Kingdom, Wickford, United Kingdom
28 Nov, 2024
மயிலிட்டி தெற்கு, London, United Kingdom, Edinburgh, Scotland, United Kingdom
15 Nov, 2025
