இலங்கையில் பயங்கர சம்பவம்... ஓரே நேரத்தில் இடிந்து வீழ்ந்த 5 கட்டிடங்கள்!

Kalutara Sri Lanka Earthquake

By Shankar Oct 30, 2024 07:17 PM GMT

Shankar

Report

பாணந்துறையில் உள்ள பகுதியொன்றில் வரிசையாக அமைந்திருந்த, 5 பழைய இரண்டு மாடிக் கட்டிடங்கள் ஒரே நேரத்தில் இடிந்து வீழ்ந்துள்ள சம்பவம் ஒன்று இடம்பெற்றுள்ளது.

இச்சம்பவம் இன்றையதினம் (30-10-2024) ஜனப்பிரிய மாவத்தை பகுதியில் இடம்பெற்றுள்ளது.

இலங்கையில் பயங்கர சம்பவம்... ஓரே நேரத்தில் இடிந்து வீழ்ந்த 5 கட்டிடங்கள்! | Panadura Earthquake Buildings Collapsed Same Time

சம்பவம் தொடர்பில் மேலும் தெரியவருவதாவது,

ஜனப்பிரிய மாவத்தையின் வீதி இருபுறங்களிலும் வடிகால் அமைப்பைத் தயாரிக்க மாநகர சபையினால் ஒப்பந்ததாரர் ஒருவர் நியமிக்கப்பட்டு, இன்று மண் அகற்றும் இயந்திரத்தின் உதவியுடன் அதற்கான நடவடிக்கைகளும் முன்னெடுக்கப்பட்டதாக தெரியவருகிறது.

குறித்த மண் அகற்றும் இயந்திரம் மற்றும் மண் நிரப்பப்பட்ட லொறி அதிலிருந்து வெளியேறியவுடன், இந்த கட்டிடங்கள் ஒரே நேரத்தில் இடிந்து விழுந்தன.

மண் அகற்றும் இயந்திரத்தால் ஏற்பட்ட நில அதிர்வே விபத்துக்கு காரணமாக இருக்கலாம் என அருகில் உள்ள வியாபாரிகள் கூறுகின்றனர்.

குறித்த கட்டிடங்களின் கீழ் தளங்களில் பல் அறுவை சிகிச்சை, ஆடை விற்பனை நிலையம் உள்ளிட்ட பல கடைகள் இருந்ததோடு, அவைகள் முற்றிலும் சேதமடைந்துள்ளதாக தெரிவிக்கப்படுகிறது.

விபத்தில் எவருக்கும் காயம் ஏற்படவில்லை என தெரிவிக்கப்பட்டுள்ளது.