லங்காசிறி FM
மிகப்பெரும் சாதனையை படைத்த பாகிஸ்தான் நட்சத்திர கிரிக்கெட் வீரர்!
Shankar
பாகிஸ்தான் கிரிக்கெட் அணியின் துவக்க வீரரான விளையாடி வரும் முகமது ரிஸ்வான் (Mohammad Rizwan) சர்வதேச ரி20 போட்டிகளில் பாரிய சாதனை ஒன்றை படைத்துள்ளார்.
பாகிஸ்தானிற்கு சுற்றுப்பயணம் மேற்கொண்டுள்ள வெஸ்ட் இண்டீஸ் கிரிக்கெட் அணி, பாகிஸ்தான் அணியுடன் மூன்று ரி20 போட்டிகள் கொண்ட தொடரில் விளையாடி வருகின்றது.
மூன்று டி20 போட்டிகள் கொண்ட தொடரில் முதல் இரண்டு போட்டியிலும் பாகிஸ்தான் வெற்றி பெற்றிருந்த நிலையில், இரு அணிகள் இடையேயான மூன்றாவது மற்றும் கடைசி ரி20 போட்டி பாகிஸ்தானின் கராச்சியில் நடைபெற்றது.
இதில் நாணய சுழற்சியில் வென்ற மேற்கிந்திய அணி முதலில் துடுப்பாட்டத்தை தேர்வு செய்தது. இதனையடுத்து முதலில் துடுப்பட செய்த மேற்கிந்திய அணிக்கு நிக்கோலஸ் பூரன் 64 ஓட்டங்களையும், பார்டன் கிங் 43 ஓட்டங்களையும், சம்ராஹ் ப்ரூக்ஸ் 49 ஓட்டங்களையும் எடுத்து கொடுத்ததன் மூலம் 20 ஓவர்கள் முடிவில் 3 விக்கெட்டுகளை இழந்த மேற்கிந்திய அணி 207 ஓட்டங்களை குவித்தது.
இதனை அடுத்து 208 ஓட்டங்கள் எடுத்தால் வெற்றி என்ற கடின இலக்குடன் களமிறங்கிய பாகிஸ்தான் அணியின் துவக்க வீரர்களான பாபர் அசாமும், முகமது ரிஸ்வானும் வழக்கம் போல் மிக சிறப்பான துவக்க கொடுத்தனர்.
முகமது ரிஸ்வான் 45 பந்துகளில் 3 சிக்ஸர் மற்றும் 10 பவுண்டரிகளுடன் 87 ஓட்டங்களையும், பாபர் அசாம் 53 பந்துகளில் 79 ஓட்டங்களையும் எடுத்ததன் மூலம் 18.5 ஓவரிலேயே இலக்கை இலகுவாக எட்டிய பாகிஸ்தான் அணி 7 விக்கெட் வித்தியாசத்தில் அபார வெற்றி பெற்றது.
இதேவேளை, இந்த போட்டியில் அதிரடி ஆட்டத்தை வெளிப்படுத்தி 87 ஓட்டங்களை குவித்த முகமது ரிஸ்வான் இதன் மூலம் சர்வதேச ரி20 போட்டிகளில் மிகப்பெரும் சாதனை ஒன்றை படைத்துள்ளார்.
இந்த போட்டியின் மூலம் நடப்பு கிரிக்கெட் ஆண்டில் தனது 2000வது ரி20 ஓட்டங்களை பதிவு செய்த முகமது ரிஸ்வான், இதன் மூலம் ஒரே ஆண்டில் (ரி20 போட்டிகளில்) 2000 ஓட்டங்களை கடந்த முதல் வீரர் என்ற பெருமை பெற்றுள்ளார்.
ரி20 உலக கோப்பையில் இந்தியாவை பாகிஸ்தான் வீழ்த்த ரிஸ்வானின் பேட்டிங் முக்கிய காரணமாக இருந்தது. மேலும், தொடர்ந்து சிறப்பான விளையாடி வரும் அவர், ஒரே ஆண்டில் 2 ஆயிரம் ஓட்டங்களை தாண்டிய முதல் சர்வதேச வீரர் என்ற அசுர சாதனையை பதிவு செய்துள்ளார்.
சிங்கப்பூர், Singapore, அளவெட்டி, மல்லாகம், Newbury Park, United Kingdom, Wickford, United Kingdom
28 Nov, 2024
தர்மகேணி, கிளிநொச்சி முரசுமோட்டை 3ம் யூனிற், Jaffna, கம்பஹா வத்தளை, நல்லூர்
21 Nov, 2022
