லங்காசிறி FM
நேபாளத்தில் பேரழிவு; பெற்றோரை தேடும் சிறுவனின் நெஞ்சை உலுக்கும் காணொளி!
நேபாளத்தில் ஏற்பட்ட மிகக் கொடூரமான பெருவெள்ளம் மற்றும் நிலச்சரிவுப் பேரழிவைத் தொடர்ந்து, சமூக ஊடகங்களில் வைரலாகி வரும் ஒரு சிறுவனின் நெஞ்சை உலுக்கும் காணொளி (Video) உலக மக்களின் கவனத்தை ஈர்த்துள்ளது.
அந்த வைரல் வீடியோவில், வெள்ளப் பேரழிவிற்குப் பிறகு ஒரு சிறுவன் தனது கைக்குழந்தையான தங்கையைத் தனது முதுகில் சுமந்தபடி நடந்து செல்கிறான்.
வைரல் வீடியோ....
பேரழிவின் போது பெற்றோரிடமிருந்து பிரிந்த இந்த இரண்டு குழந்தைகளும், காயங்களுடன் தங்களது பெற்றோரைத் தேடி அலைந்து கொண்டிருக்கிறார்கள்.
குழந்தைகளின் முகத்தில் வெள்ளத்தின் போது ஏற்பட்ட கீறல்களும் காயங்களும், பயமும் அப்பட்டமாகத் தெரிகின்றன.
இக்காட்சி ஜப்பானிய அனிமேஷன் படமான 'கிரேவ் ஆஃப் தி ஃபயர்ஃபிளைஸ்' (Grave of the Fireflies) கதையை நினைவுபடுத்துவதாக நெட்டிசன்கள் பதிவிட்டு வருகின்றனர்.
அதேவேளை நேபாளத்தில் ஏற்பட்ட பெருவெள்ளத்தில் உயிரிழந்தோரின் எண்ணிக்கை 939 ஆக அதிகரித்துள்ளதுடன், காணாமல் போனோரின் எண்ணிக்கை 4,250 ஆக உயர்ந்துள்ளது.
திபெத்–நேபாள எல்லையில் ஏற்பட்ட பெரும் பனிப்பாறைச் சரிவைத் தொடர்ந்து, கடந்த மாதம்- 26ஆம் திகதி லெண்டே நதியில் ஏற்பட்ட வெள்ளம் போடே கோஷி நதியில் பெருக்கெடுத்தது.
இதனால் கரையோர கிராமங்கள் மற்றும் சிறு நகரங்கள் கடுமையாக பாதிக்கப்பட்டதுடன், வீடுகள், கட்டடங்கள், வாகனங்கள், பாலங்கள், வீதிகள் மற்றும் நீர்மின் நிலையங்கள் உள்ளிட்ட பல்வேறு உள்கட்டமைப்புகளும் சேதமடைந்துள்ளன
நல்லூர் கந்தசுவாமி திருவிழா 2026 | Day 15
புங்குடுதீவு 8ம் வட்டாரம், Büren an der Aare, Switzerland
29 Aug, 2026
யாழ்ப்பாணம், வவுனியா, கனடா, Canada, Montreal, Canada
31 Aug, 2015
