குளிர்காலத்தில் கட்டாயம் உண்ண வேண்டிய உணவுகள்

குளிர்காலத்தில் உணவுகளால் மட்டும் கிடைக்காத ஊட்டச்சத்துக்களை சப்ளிமெண்ட்டுகள் எடுத்துக் கொள்வதன் மூலம் அவற்றை ஈடுசெய்ய முடியும். அதிலும் குறிப்பாக மற்ற காலங்களை விட சில ஊட்டச்சத்துக்கள் குளிர்காலத்தில் அதிகமாகத் தேவைப்படலாம். அவை என்னென்ன, எப்படி எந்த அளவுகளில் எடுக்கலாம் என்பதை நாம் இங்கு பார்க்கலாம்.

விட்டமின் சி

நம் உடலுக்கு மிக இன்றியமையாத ஊட்டச்சத்துக்களில் ஒன்று. அதிலும் குளிர்காலத்தில் உடலை கதகதப்பாக வைத்திருக்க உதவி செய்யக்கூடியது. வைட்டமின் சி சப்ளிமெண்ட்டுகள் நோயெதிர்ப்பு மண்டலத்தை பலப்படுத்துவது மட்டுமின்றி சருமத்தில் ஏற்படும் சுருக்கங்கள், நுண்ணிய கோடுகள் ஆகியவற்றையும் நீக்கி சருமத்தை வயதான தோற்றம் ஏற்படுவதில் இருந்து தடுக்கிறது. சருமத்தில் கொலாஜன் உற்பத்தியை அதிகரிக்கச் செய்து இளமையான தோற்றத்துடன் வைத்திருக்க உதவி செய்யும். குளிர்காலங்களில் ஏற்படும் தொண்டை வலி, சளி, இருமல் மற்றும் காய்ச்சல் ஏற்படுவதில் இருந்து பாதுகாப்பு அளிக்கும்

விட்டமின் டி

விட்டமின் டி க்கு சூரிய வைட்டமின் என்னும் பெயரே உண்டு.சூரியக் கதிர்வீச்சில் இருந்து இந்த வைட்டமினை நம்மால் பெற முடியும். குளிர்காலத்தில் வழக்கத்தை விட இது நமக்கு குறைவாகக் கிடைக்கும். இந்த வைட்டமின் சருமம் மட்டுமின்றி தைராய்டு உள்ளிட்ட சுரப்பிகளின் செயல்பாடு, எலும்பு மற்றும் பற்கள் ஆரோக்கியத்துக்கு மிக மிக முக்கியம். அதனால் குளிர்காலத்தில் போதிய அளவு வைட்டமின் டி கிடைக்காத போது வைட்டமின் டி2, டி3 ஆகிய சப்ளிமெண்ட்டுகள் மருத்துவரின் பரிந்துரையின் அடிப்படையில் எடுத்துக் கொள்ளலாம்.

ஒமேகா 3 கொழுப்பு அமிலங்கள்

நம்முடைய நரம்பு மண்டலம், மூளையின் செயல்பாடு, இதய ஆரோக்கியம் ஆகியவற்றுக்கு ஒமேகா 3 மிக மிக முக்கியம். குறிப்பாக இதய ஆரோக்கியத்துக்கும் ஒமேகா 3 கொழுப்பு அமிலங்களுக்கும் மிக முக்கியப் பங்கு உண்டு. குளிர்காலத்தில் மாரடைப்பு, பக்கவாதம் உள்ளிட்ட கார்டியோ வாஸ்குலர் நோய்கள் உண்டாகும் வாய்ப்பு அதிகம். அவற்றைத் தடுக்கவும் நல்ல தூக்கத்தைக் கொடுக்கவும் கண் பார்வையை மேம்படுத்தவும் கல்லீரல் போன்ற உறுப்புகளில் இன்ஃபிளமேஷன்கள் உண்டாகாமல் தடுக்கவும் பதட்டம் உள்ளிட்ட மனநலப் பிரச்சினைகளைச் சரிசெய்யவும் இந்த ஒமேகா 3 கொழுப்பு அமிலம் அவசியம்.

இரும்புச்சத்து

இரும்புச்சத்து நம்முடைய உடலில் ரத்த செல்களின் உற்பத்திக்குத் தேவையான அடிப்படையான ஊட்டச்சத்தாகும். குறிப்பாக பெண்களுக்கு உண்டாகும் அனீமியா உள்ளிட்ட பிரச்சினைகளைச் சரிசெய்யும். இரும்புச்சத்து சப்ளிமெண்ட்டுகளை காலை வெறும் வயிற்றில் எடுத்துக் கொள்வது தான் நல்லது. அப்போது தான் அதிகமாக இரும்புச்சத்தை உடல் உறிஞ்சும்.