நாகரீக உலகில் நாம் மறந்துபோன முக்கியமான பொருள்; ஒளிந்துள்ள அற்புத நன்மைகள்!
நம் முன்னோர்கள் அனைவருமே ஒரு காலத்தில் பயன்படுத்திய ஒரு அழகு சாதன பொருள் சிகைக்காய் என்பதை நாம் கேள்விப்பட்டிருப்போம்.
இப்போது சிகைக்காய் வாங்க வேண்டும் என்றால் கிடைப்பதென்னவோ நுரை வரும் பாக்கெட் சிகைக்காயும், செயற்கை முறையில் தயார் செய்து அடைக்கப்பட்ட சிகைக்காய் ஷேம்பு தான். ஆனால் நம் பாரம்பரிய சிகைக்காய் கிடைத்தால் அதை அரைத்து பயன்படுத்தினால் அதில் இருந்து கிடைக்கும் நன்மைகள் ஏராளம்.
கிராமப்புறங்களில் வளர்ந்தவர்களுக்கு கண்டிப்பாக சிகைக்காயில் குளித்த அனுபவம் இருக்கும். வார இறுதி நாட்களில் குறிப்பாக சனிக்கிழமை ஆனாலே விட்டில் உள்ள பெரியோர்கள் நல்லெண்ணெய் தேய்த்து அரைப்பு தேய்த்துவிட்டு சிகைக்காயில் தான் குளிக்க சொல்வார்கள். அதனால் தான் அப்போதெல்லாம் 50 எட்டினாலும் நம் அம்மா அப்பாவுக்கு எல்லாம் இன்னும் நரை முடி பிரச்சினை இல்லாமல் இருக்கிறது.
ஆனால் இன்றோ மாறிப்போன வாழக்கை முறைகளின் காரணமாக பொடுகு தொல்லை, பேன், முடி கொட்டுதல், சொட்டை விழுதல் போன்ற பல பிரச்சினைகள் இளையவர்களுக்கு ஏற்படுகின்றது.
சிகைக்காய் முடிக்கு எவ்வாறு உதவுகிறது? தலைக்கு தேய்த்து குளிப்பதால் என்னென்ன நன்மைகள்
இயற்கையாக கிடைக்கும் சிகைக்காய் உங்கள் தலைமுடியை மென்மையாக்கி அழகான மிருதுவான தோற்றத்தை வழங்கும்.
சிகைக்காயின் பூஞ்சை எதிர்ப்பு பண்புகள் கொண்டது என்பதால் உங்கள் உச்சந்தலையில் ஏற்படும் அரிப்பு மற்றும் வறட்சியைத் தடுக்கும்.
தவறாமல் பயன்படுத்தினால் பொடுகுப் பிரச்சினையைக் குணப்படுத்த உதவும். சிகைக்காய் முடி வேர்களை பலப்படுத்துகிறது.
இதன் விளைவாக வலுவான மற்றும் ஆரோக்கியமான முடி கிடைக்கும்.
அதோடு முடி உதிர்தல் பிரச்சினை குறையும்.
எண்ணெய் தேய்த்துக்கொண்டு கழுவாமல் இருக்கும் உச்சந்தலையில் சிகைக்காய் தேய்த்துக் குளித்தால் உச்சந்தலைக்கு போஷாக்கு கிடைக்கும். தலைமுடி ஆரோக்கியமாக இருக்கும்.
சிகைக்காய் தேய்த்து குளிப்பதால் இளமைப் பருவத்திலேயே நரை முடி தொல்லை இருக்காது.
இது உங்கள் தலைமுடியின் இயல்பான இளமையை தக்கவைத்துக்கொள்ள உதவும்.
பேன் தொல்லை இருந்தால், சிகைக்காய் தேய்த்து குளித்தால் குணமாகும்.
தலை அரிப்பினால் தேய்த்து தேய்த்து தலையில் சிறு சிறு காயங்கள் ஆகியிருந்தால் சிகைக்காய் தேய்த்து குளிக்கும்போது நாளடைவில் அந்த பிரச்சினை குணமடையும்.
ஒரு சிகைக்காய் ஹேர் பேக் ஒரு சூடான நாளில் நிவாரணம் அளிக்கலாம், தலைவலியைப் போக்கலாம் அல்லது இனிமையான ஹேர் பேக் போல செயல்படலாம்.
உங்களுக்கு சுருட்டை முடி இருந்து, முடி சிக்கல் விழும் பிரச்சினை இருந்தால் சிகைக்காய் தேய்த்து குளித்தால் முடி சிக்கல் விழாமல் நன்றாக இருக்கும்.
எனவே முடிந்தவரை இயற்கையாக நம் முடி ஆரோக்கியத்தைப் பாதுகாத்து நலமுடன் வாழ்வோம்.