லங்காசிறி FM
தலைசிறந்த மக்கள் செல்வாக்கு பெற்ற முதலமைச்சர்களில் மு.க.ஸ்டாலின் முதலிடம் !
Sulokshi
இந்தியாவிலேயே தலைசிறந்த செல்வாக்கு பெற்ற முதலமைச்சர்களில் மு.க.ஸ்டாலின் முதலிடம் பிடித்துள்ளார்.
இந்தியா முதலமைச்சர்களின் செல்வாக்கு குறித்து “சி.என்.ஓ.எஸ் ஒபினியோம்’’ என்ற அமைப்பு நடத்திய கணக்கெடுப்பில் சிறந்த முதலமைச்சர்களாகத் தேர்ந்து எடுக்கப்பட்ட ஐந்து முதலமைச்சர்களில் தமிழ்நாடு முதலமைச்சர் மு.க.ஸ்டாலின் முதலிடம் பெற்றுள்ளார்.
இதுகுறித்து கணக்கெடுப்பு நடத்திய அமைப்பு கூறுகையில்,
தமிழ்நாடு முதலமைச்சர் மு.க.ஸ்டாலின் நாட்டிலேயே மிகவும் மக்கள் செல்வாக்கு பெற்ற முதலமைச்சராகத் திகழ்கிறார். ஸ்டாலின் பெற்றுள்ள நிகரப் புள்ளிகள் 67ஆகும். தமிழ்நாட்டில் கணக்கெடுப்பு நடத்தப்பட்டவர்களில் 79 சதவிகிதம் பேர் அவருடைய தலைமையில் திருப்தி அடைந்து இருப்பதாகத் தெரிவித்துள்ளனர்.
இந்தக் கணக்கெடுப்பில் திருப்தி அடைந்தவர்களின் சதவிகிதத்தில் திருப்தி இல்லை என்று கூறுபவர்களைக் கழித்து மீதமுள்ளவர்களே நிகர ஆதரவாளர்களாகக் கணக்கிடப்படுகிறது.
அதன்படி தமிழக முதலமைச்சர் மு.க.ஸ்டாலின் நிகரப் புள்ளிகள் 67 பெற்று இந்தியாவிலேயே தலைசிறந்த மக்கள் செல்வாக்கு பெற்ற முதலமைச்சராக முதலிடம் பெற்றுள்ளார். தமிழக முதலமைச்சர் மு.க.ஸ்டாலின் அடுத்து மகாராஷ்டிர முதலமைச்சர் உத்தவ் தாக்கரே மக்கள் செல்வாக்கு பெற்ற சிறந்த முதலமைச்சர்களில் இரண்டாம் இடம் பிடித்துள்ளார்.
3வது இடத்தை உத்திரப்பிரதேச முதலமைச்சர் யோகி ஆதித்யநாத் பெற்றுள்ளார். ஒடிசா முதலமைச்சர் நவீன் பட்நாயக் 4வது இடத்திலும், அசாம் முதல் அமைச்சர் ஹேமந்த் பிஸ்வா சர்மா 5வது இடத்திலும் உள்ளதாக சி.என்.ஓ.எஸ்.ஒபினியோம் தெரிவித்துள்ளது.
யாழ்ப்பாணம், யாழ் அச்சுவேலி தோப்பு, Jaffna, பேர்ண், Switzerland
19 Nov, 2025
பருத்தித்துறை, யாழ்ப்பாணம், கொழும்பு, Montreal, Canada, Saint-Eustache, Canada
14 Nov, 2025
