மீன்பிடிக்கச் சென்ற குடும்பஸ்தர் படகு கவிழ்ந்து உயிரிழப்பு

Sri Lanka Fisherman Accident Death

By Sulokshi Oct 16, 2026 08:59 AM GMT

Sulokshi

Report

ஆனமடுவ மேக்ஸ்வெல் குளத்தில் மீன்பிடிக்கச் சென்ற இளம் குடும்பஸ்தர் ஒருவர், படகு கவிழ்ந்து உயிரிழந்த சம்பவம் பதிவாகியுள்ளது.

உயிரிழந்தவர் ஆனமடுவ, மகஉஸ்வெவ – அளுத்பார பகுதியைச் சேர்ந்த சிகுராதிபதி கணிதயலாகே பிரதீப் குமார ஹேமச்சந்திர (வயது 33) என ஆனமடுவ பொலிஸாரால் அடையாளம் காணப்பட்டுள்ளார்.

மீன்பிடிக்கச் சென்ற குடும்பஸ்தர் படகு கவிழ்ந்து உயிரிழப்பு | Man Dies After His Boat Capsizes While Out Fishing

வழமை போல் வியாழக்கிழமை (15) பிற்பகல் வேளையில் மகஉஸ்வெவ குளத்திற்குள் படகைச் செலுத்தி மீன்பிடிக்கச் சென்றபோதே, திடீரெனப் படகு கட்டுப்பாட்டை இழந்து தலைகீழாகக் கவிழ்ந்துள்ளது.

விபத்து நேர்ந்த அந்தக் குறிப்பிட்ட நேரத்தில், ஆணமடுவ மற்றும் அதனைச் சூழவுள்ள பகுதிகளில் கடும் காற்றுடன் கூடிய அடைமழை பெய்து கொண்டிருந்ததாகத் தெரிவிக்கப்படுகிறது.

சீரற்ற காலநிலையின் தீவிரத்தால் ஏற்பட்ட கொந்தளிப்பே படகு கவிழ்வதற்குக் காரணமாக அமைந்திருக்கலாம் எனச் சந்தேகிக்கப்படுகிறது.

நீரில் மூழ்கிய அவரை மீட்டெடுத்து, உடனடியாகச் சிகிச்சைக்காக ஆணமடுவ மாவட்ட வைத்தியசாலைக்குக் கொண்டு சென்றபோதிலும், அவர் ஏற்கனவே உயிரிழந்துவிட்டதாக வைத்தியர்கள் உறுதிப்படுத்தியுள்ளனர்.

உயிரிழந்தவரின் பிரேதப் பரிசோதனை நடவடிக்கைகள் முன்னெடுக்கப்படவுள்ள நிலையில், விபத்து தொடர்பான மேலதிக விசாரணைகளை ஆணமடுவ பொலிஸார் முன்னெடுத்து வருகின்றனர்.