லங்காசிறி FM
வீட்டில் உறங்கிக்கொண்டிருந்த பச்சிளம் குழந்தையை கடித்து கொன்ற சிறுத்தை
Sahana
இந்தியாவில் உத்தரபிரதேச மாநிலம் பலராம்பூர் மாவட்டம் நிவால்கஞ்ச் கிராமத்தில் வீட்டில் உறங்கிக்கொண்டிருந்த பச்சிளம் குழந்தையை சிறுத்தை ஒன்று கடித்துக்கொன்ற சம்பவம் பரபரப்பை ஏற்படுத்தியுள்ளது.
இந்த சம்பவம் தொடர்பில் மேலும் தெரியவருகையில்,
நேற்று இரவு, பெற்றோருடன் வீட்டில் உறங்கிக்கொண்டிருந்த குழந்தையை நள்ளிரவு நேரத்தில் ஒரு சிறுத்தை வீட்டுக்குள் நுழைந்து. 1 வயது குழந்தையை சிறுத்தை திடீரென கடித்து வாயில் கவ்விக்கொண்டு ஓடியுள்ளது.
குழந்தையின் அழுகை சத்தம் கேட்டு கண்விழித்த பெற்றோர். அதிர்ச்சி அடைந்து உடனடியாக கூச்சல் எழுப்பி சிறுத்தையைத் துரத்திச் சென்றாலும், அது குழந்தையை எடுத்துக்கொண்டு வனப்பகுதிக்குள் சென்றுவிட்டது.
பெற்றோர் உடனே பொலிஸாருக்கு தகவல் அளித்ததைத் தொடர்ந்து பொலிஸார் மற்றும் வனத்துறையினர் விரைந்து சம்பவ இடத்துக்குச் சென்று தீவிர தேடுதல் பணிகளை மேற்கொண்டனர்.
பின்னர், கிராமத்திற்கு அருகிலுள்ள வனப்பகுதியில் குழந்தையின் உடல் சடலமாக மீட்கப்பட்டது. சிறுத்தை தாக்குதலால் குழந்தை உயிரிழந்தது உறுதிப்படுத்தப்பட்டது.
குழந்தையின் உடல் பிரேதப் பரிசோதனைக்காக மருத்துவமனைக்கு அனுப்பப்பட்டுள்ளதுடன், சிறுத்தையை பிடிக்க வனத்துறையினர் சிறப்பு நடவடிக்கை எடுத்து வருகின்றனர்.
இந்த சம்பவம் கிராம மக்களிடையே பெரும் பயத்தையும் சோகத்தையும் ஏற்படுத்தியுள்ளது.
மயிலிட்டி தெற்கு, London, United Kingdom, Edinburgh, Scotland, United Kingdom
15 Nov, 2025
தொல்புரம், மலேசியா, Malaysia, கொட்டடி, Scarborough, Canada
12 Dec, 2024
Pussellawa, கொழும்பு, ஜேர்மனி, Germany, Scarborough, Canada
31 Oct, 2025
