லங்காசிறி FM
மீன் வியாபாரி கொலை சம்பவம்... கைதான சந்தேக நபர்கள் வழங்கிய அதிர்ச்சி வாக்குமூலம்!
Shankar
கண்டியில் உள்ள பகுதியொன்றில் மீன் வியாபாரி ஒருவர் அவரது வீட்டிற்கு முன்பாக கொடூரமாக கொலை செய்யப்பட்ட சம்பவம் தொடர்பில் மேலும் மூன்று சந்தேக நபர்கள் கைது செய்யப்பட்டிருப்பதாக பொலிஸார் தெரிவித்தனர்.
இந்த கொலை சம்பவம் கடந்த 03-01-2025 ஆம் திகதி வத்தேகம பகுதியில் இடம்பெற்றுள்ளது.
கைது நடவடிக்கையின் போது, 3 சந்தேக நபர்களுடன், கொலைக்குப் பயன்படுத்தப்பட்டதாகக் கூறப்படும் 4 வாள்களும், 370,000 ரூபா பணமும் பொலிஸாரால் கைப்பற்றப்பட்டுள்ளன.
இந்த சுற்றிவளைப்பு நடவடிக்கை மாத்தளை பிரிவு குற்றப்பிரிவு பொலிஸார் மேற்கொண்டிருந்தனர்.
கொலை செய்யப்பட்ட மீன் வியாபாரியின் கடைக்கு அடுத்துள்ள கடையில் உள்ள மீன் வியாபாரியால், குறித்த மீன் வியாபாரியை கொலை செய்ய 2 மில்லியன் ரூபா ஒப்பந்தம் வழங்கப்பட்டதாகவும், அதன்படியே கொலை செய்யப்பட்டதாகவும் சந்தேக நபர்கள் பொலிஸாரிடம் வாக்குமூலம் வழங்கியுள்ளனர்.
சம்பவம் தொடர்பில் மாத்தளை பிரதேச குற்றப் புலனாய்வுப் பணியகம் மேற்கொண்ட விசாரணையின் போது, சம்பவத்துடன் தொடர்புடைய 2 சந்தேக நபர்கள் காலி கரந்தெனிய பகுதியில் உள்ள ஒரு வீட்டில் மறைந்திருந்தபோது கைது செய்யப்பட்டனர்.
விசாரணையின் போது, மற்றைய சந்தேக நபர் காலி அம்பலங்கொடையில் உள்ள அவரது வீட்டில் கைது செய்யப்பட்டார்.
மேலதிக விசாரணையின் போது, கொழும்பின் தலங்கம பகுதியில் மறைத்து வைக்கப்பட்டிருந்த கொலைக்கு பயன்படுத்தப்பட்ட நான்கு வாள்களை பொலிசார் கண்டுபிடித்தனர்.
சம்பவம் தொடர்பான மேலதிக விசாரணைகளை மாத்தளை பிரிவு குற்றப் புலனாய்வுப் பணியகம் மேற்கொண்டு வருகிறது.
கொழும்பு, மானிப்பாய், Dubai, United Arab Emirates, கனடா, Canada
14 Jan, 2021
சுழிபுரம், கொழும்பு, Reutlingen, Germany, Ravensburg, Germany, London, United Kingdom, சென்னை, India
16 Dec, 2024
