மட்டக்களப்பில் பரபரப்பு சம்பவம்... மீனவரின் வலையில் சிக்கிய மனித மண்டை ஓடு, எலும்புகள்!

Sri Lanka Police Batticaloa Sri Lankan Peoples Sri Lanka Police Investigation

By Shankar May 05, 2024 07:53 AM GMT

Shankar

Report

மட்டக்களப்பில் உள்ள சத்திருக்கொண்டான் கண்ணகி அம்மன் ஆலயத்தின் பின்பகுதியில் உப்பாற்றில் இருந்து மண்டை ஓடு மற்றும் மனித எலும்புகள் மீட்கப்பட்டுள்ள சம்பவம் பெரும் பரபரப்பை ஏற்படுத்தியுள்ளது.

குறித்த மண்டை ஓடு மற்றும் எலும்புகள் நேற்றைய தினம் (04.05.2024) மீட்கப்பட்டுள்ளதாக தெரிவிக்கப்பட்டுள்ளது.

மட்டக்களப்பில் பரபரப்பு சம்பவம்... மீனவரின் வலையில் சிக்கிய மனித மண்டை ஓடு, எலும்புகள்! | Human Skull Skeleton Found In Batticaloa Area

குறித்த ஆற்றில், மீன்பிடியில் ஈடுபட்ட மீனவர் ஒருவரின் வலையில் மண்டை ஓடு மற்றும் இரண்டு மனித எலும்புக்கள் சிக்கியுள்ளன.

இதனைத்தொடர்ந்து பொலிஸாருக்கு தகவல் அளிக்கப்பட்ட நிலையில், தடவியல் பிரிவினர் சம்பவ இடத்திற்கு அழைக்கப்பட்டு விசாரணைகள் இடம்பெற்றன.

தடவியல் பிரிவினர் மேற்கொண்ட விசாரணையில், மீட்கப்பட்ட மண்டையோடு 40 வயதிற்குட்பட்ட ஆண் ஒருவரின் மண்டை ஒடு என பகுப்பாய்வாளர்கள் தெரிவித்தனர்.

இந்தநிலையில் ஏறாவூர் சுற்றுலா நீதிமன்ற மேலதிக நீதவானும் மட்டக்களப்பு நீதவான் நீதிமன்ற பதில் நீதவானுமாகிய தர்சினி, சம்பவ இடத்துக்கு சென்று மண்டை ஓட்டை பார்வையிட்டதுடன், மனித எச்சங்களை பிரேத பரிசோதனைக்கு உட்படுத்துமாறு உத்தரவிட்டுள்ளார்.