லங்காசிறி FM
மன்னாரில் குவிந்த ஃபிளமிங்கோ பறவைகள்; குவியும் சுற்றுலா பயணிகள் !
Sulokshi
மன்னார் பகுதியில் ஃபிளமிங்கோ” வலசை பறவைகள் குவிந்துள்ளதாக கூறப்படுகின்றது. இங்கு உணவு கிடைப்பது, வானிலை மற்றும் இனப்பெருக்க ஜோடிகளைத் தேர்ந்தெடுப்பது உள்ளிட்ட பல காரணங்களால் தங்கள் நாட்டிலிருந்து ஃபிளமிங்கோ வலசை பறவைகள் இலங்கைக்கு இடம்பெயர்வதாக அறியப்படுகிறது.
மிகவும் உணர்திறன் கொண்ட பறவை
இவ்வாறு இடம்பெயரும் பறவைகளுள், மிகவும் அரிதான மற்றும் மிகவும் உணர்திறன் கொண்ட பறவை ஃபிளமிங்கோ ஆகும். தற்போது அவை அனைத்தும் மன்னாரில் குவிந்துள்ளன.
மன்னாரின் ஈரநிலங்களில் ஐந்து மாதங்களுக்கும் மேலாக செலவழிக்கும் அழகான மற்றும் கம்பீரமான ஃபிளமிங்கோ பறவைகள் வந்து குவிந்துள்ளன. இந்த வகை பறவைகள் நவம்பரில் மாதம் முதல் ஏப்ரல் வரை இலங்கையில் தங்கியிருக்கும்.
அதேவேளை ஃபிளமிங்கோ” வலசை பறவைகள், இலங்கைக்கு மட்டுமன்றி, பாகிஸ்தான் மற்றும் இந்தியாவிற்கும் இடம்பெயர்கின்றன.
இது குறித்து, ஃபிளமிங்கோ பறைவைகளை புகைப்படம் பிடித்த வனவிலங்கு புகைப்பட கலைஞர் ஏ.எல் முஹமட் ரசீம் தெரிவிக்கையில்,
மன்னாரில் தற்போது சுமார் 3,000 க்கும் அதிகமான ஃபிளமிங்கோ பறைவைகளை என்னால் அவதானிக்க கிடைத்தது. ஆனால் பல ஆண்டுகளாக எண்ணிக்கையில் தெளிவான ஏற்ற இறக்கத்தை காணக்கூடியதாக உள்ளது.
"2012 இல், 12,000 ஃபிளமிங்கோ பறவைகள் இருந்தன, ஆனால் அது 1,500 ஆகவும் குறைந்து பின்னர் 7,000 ஆக உயர்ந்தது. பின்னர் சென்ற வருடம் 3,000 தெடக்கம் 5,000 வரை இருந்தது. தற்போது அது 3,000 ஃபிளமிங்கோ பறவையாக உள்ளதாக கூறியுள்ளார்.
இந்நிலையில் ஃபிளமிங்கோ பறவைகளை காண வெளிநாட்டவர்கள் உட்பட பல சுற்றுலா பயணிகள் மன்னாருக்கு வந்து செல்வதாகவும் அவர் கூறியுள்ளார்.
நெடுந்தீவு, யோகபுரம், டென்மார்க், Denmark, ஜேர்மனி, Germany, Coventry, United Kingdom
13 Jul, 2025
ஆலங்குளாய், சங்கானை, யாழ்ப்பாணம், Dammam, Saudi Arabia, Rheine, Germany, Rushden, United Kingdom
29 Jul, 2024
