இலங்கை தொடர்பில் தவறாக மதிப்பிட வேண்டாம்; நியூசிலாந்து பெண்ணின் உருக்கமான கோரிக்கை

  தென்கிழக்கு ஆசியா முழுவதும் தனியாகப் பயணம் செய்துவரும் 24 வயதுடைய நியூசிலாந்து பெண் ஒருவர், அம்பாறையில் முச்சக்கர வண்டியொன்றில் பயணித்தார்.

அப்போது, பின்னால் துரத்தி வந்த நபரொருவரால் பாலியல் துன்புறுத்தலுக்கு உள்ளாக்கப்பட்டு, ஆபாசமாகத் தன்னை வெளிப்படுத்தியதால் "அச்ச உணர்வுடன்" இருந்ததாகத் தெரிவித்துள்ளார்.

இலங்கை ஒரு அற்புதமான இடம்

கிறிஸ்ட்சர்ச்சைச் சேர்ந்த மோலி (Molly) என்ற அந்தப் பெண், ஆபாசமாகத் தன்னை வெளிப்படுத்திய குற்றத்திற்காக நபரை கைது செய்த உள்ளூர் காவல்துறையினரின் விரைவான நடவடிக்கையால் மகிழ்ச்சி அடைந்ததாக தெரிவித்துள்ளார்.

இருப்பினும், சிலர் இந்தச் சம்பவத்திற்காகத் தன்னையே குற்றம் சாட்ட முயன்றது அவருக்கு ஆச்சரியத்தை ஏற்படுத்தியதாகவும் அவர் தெரிவித்தார். தனது தனிப் பயண சாகசங்களை இன்ஸ்டாகிராம் கணக்கில் ஆவணப்படுத்தும் இந்த இளம் பயணி, தனது பதிவில் சில கருத்துக்களைப் பகிர்ந்துள்ளார்.

அவமானங்கள் அனைத்திற்கும் பேரணியில் பதில் கிடைக்கும்; நாமல் அறை கூவல்!

ஒரு தனிச் சம்பவம் ஒரு நாட்டையோ அல்லது தனியாகப் பயணிக்கும் பெண்களின் பயணத்தையோ வரையறுக்கக் கூடாது என்றும் அவர் வலியுறுத்தினார். "நான் அந்த காணொளி இந்த அளவுக்குப் பெரியளவில் வைரலாகும் என்று எதிர்பார்க்கவில்லை.

ஆனால், அது பெண்களின் பாதுகாப்பு, தனியாகப் பயணம் செய்தல், மற்றும் நாம் இன்றும் எதிர்கொள்ளும் யதார்த்தம் பற்றி உண்மையான உரையாடலைத் தொடங்கினால், அது பயனுள்ளது," என்றும் அவர் குறிப்பிட்டுள்ளார்.

போலி செய்திகளால் இங்கிலாந்தில் கோடிகளை குவிக்கும் இலங்கை இளைஞன்!

தனது ஒரு மாத காலப் பயணத்தில் தான் மிகவும் பாதுகாப்பாக உணர்ந்த இலங்கை ஒரு "அற்புதமான இடம்" என்று வர்ணித்தார். எனவே, ஒரு தனிநபரின் நடத்தையால் இலங்கை மீதான பொதுவான கருத்துக்கள் மாறிவிடக் கூடாது என்று அவர் வலியுறுத்தியுள்ளார்.

பெண்கள் பயமின்றி எங்கு வேண்டுமானாலும் பயணம் செய்ய முடியும் என்றும், அதற்கு அவர்கள் தங்கள் இருப்பை நியாயப்படுத்த வேண்டியதில்லை என்றும் அவர் வலியுறுத்தினார்.

பிரச்சினை முடிந்துவிட்டது, ஏன் இன்னும் ஆடுகிறார்கள் ; கடும் தொனியில் ஜனாதிபதி அநுர

தனது ஆதரவாளர்களுக்கும், விரைந்து நடவடிக்கை எடுத்த இலங்கை சுற்றுலாத்துறை காவல்துறையினருக்கும் நன்றி தெரிவித்த அவர், "இந்த உரையாடலைத் தொடர்வோம், ஆனால் உலகம் முழுவதும் நல்ல மனிதர்கள் நிறைந்துள்ளார்கள் என்பதையும் நினைவில் கொள்வோம் என்றும் நியூசிலாந்து பெண் குறிப்பிட்டுள்ளார்.

யாழில் பிரான்ஸிலிருந்து வந்த இளைஞனுக்கு அரங்கேற்றப்பட்ட கொடூரம் ; தொலைபேசி அழைப்பால் வந்த வினை