செவ்வாய் கிழமைகளில் இந்த பொருட்களை வாங்கவே கூடாதாம்!

  ஜோதிட சாஸ்திரப்படி ஆற்றல், வீரம், வலிமை போன்ற விஷயங்களைத் தரவல்லவர் அங்காரகன் எனும் செவ்வாய் பகவான். அதனால் தான் செவ்வாய் பகவானை கிரகங்களின் தளபதி என அழைக்கப்படுகிறார்.

ஆன்மிகத்தில் செவ்வாய் பகவானுக்குரிய அதிபதியாக முருகப்பெருமான் உள்ளார். அதோடு செவ்வாய் கிழமை அனுமன் வழிபாடு செய்வதற்கு மிகவும் உகந்த நாளாக பார்க்கப்படுகிறது.

சுபகாரியங்கள் செய்ய உகந்த நாளாக செவ்வாய் கிழமை பார்க்கப்பட்டாலும், இறை வழிபாடு செய்வதற்கு மிகவும் மங்களகரமான நாளாக பார்க்கப்படுகிறது.

செந்நிறமுடைய செவ்வாய் பகவான், மனிதனின் ரத்தம் தொடர்பானவராகவும், மனிதனுக்கு ஆற்றல், வலிமை, சக்தியைத் தரக்கூடியவர். செவ்வாய் பக்வானின் அருள் இருந்தால் வீடு, மனை யோகம் உண்டாகும்.

அதே சமயம் செவ்வாய்க் கிழமைகளில் சில அசுப பொருட்களை வாங்கி வர செவ்வாயின் நல்லருள் குறைந்து கொண்டே போக வாய்ப்புள்ளது. இந்த தினத்தில் சில பொருட்களை வாங்குவது அசுபமாகக் கருதப்படுகிறது.

எந்த பொருட்களை எல்லாம் வாங்கக்கூடாது 

கருப்பு ஆடைகள்

செவ்வாய்க் கிழமைகளில் கருப்பு நிற ஆடைகளை வாங்கவோ, கருப்பு நிற ஆடைகளை அணியவோ கூடாது.

மாறாக சிவப்பு நிறமாக இந்த கோள் இருப்பதால் செங்கோள் என அழைக்கப்படுவதால், இந்த கிழமைகளில் சிவப்பு அல்லது ஆரஞ்சு நிற ஆடைகளை அணிவது மங்களகரமானதாகக் கருதப்படுகிறது.

இந்த நாளில் ஆரஞ்சு நிற ஆடைகளை அணிந்து வருவதால் செவ்வாய் தோஷம் குறையும் என்பது ஐதீகம். அதேசமயம் இரும்பு, இரும்பு சார்ந்த பொருட்கள் வாங்குவது அசுபமாகக் கருதப்படுகிறது. ​

நிலம் வாங்கக்கூடாது

ஜோதிடத்தில் செவ்வாய் பகவானின் அருள், ஆதிக்கம் யாருக்கு அதிகமாக இருக்கின்றதோ அவருக்கு வீடு, மனை, நிலம் வாங்கும் யோகம் இருக்கும். நிலம் வாங்குவது தவறல்ல, ஆனால் செவ்வாய் கிழமைகளில் நிலம் வாங்கக்கூடாது.

அப்படி வாங்குவதால் வீட்டின் வறுமையும், நோய்களும் உண்டாகும். அப்படி செய்வதால் குடும்பத் தலைவருக்கு நோய் ஏற்படுவதோ, காயம் ஏற்படவோ வாய்ப்புள்ளதாகக் கருதப்படுகிறது.

கண்ணாடி பொருட்கள்

செவ்வாய் கிழமைகளில் கண்ணாடி பாத்திரங்கள் உள்ளிட்ட கண்ணாடி பொருட்களை வாங்கக்கூடாது. கண்ணாடி பொருட்களை வாங்குவதோ, பரிசளிப்பதாலோ உங்களுக்கு தான் பண இழப்பு ஏற்படும்.

அலங்கார, ஒப்பனை பொருட்கள்

செவ்வாய்க்கிழமையில் லிப்ஸ்டிக், கிரீம் உள்ளிட்ட ஒப்பனைப் பொருட்களை வாங்குவது அசுபமாகக் கருதப்படுகிறது. இதுபோன்ற பொருட்களை வாங்குவதால், அடுத்தடுத்து பணம் அதிகமாகச் செலவழிக்கத் தொடங்குவோம் என நம்பப்படுகிறது.

இறைச்சி, மதுபானம்

செவ்வாய் கிழமைகளில் இறைச்சி சாப்பிடுவதோ அல்லது மதுபானம் சாப்பிடுவதோ கூடாது. இவற்றை உட்கொள்வது மட்டுமல்லாமல், அதை இந்த நாளில் வாங்குவதும் நல்லதல்ல.

இதனால் குடும்பத்தில் வறுமை ஏற்படும். இதைத் தவிர வெங்காயம், பூண்டு போன்ற பொருட்களை உணவில் சேர்ப்பதைத் தவிர்க்க வேண்டும்.

வழிபாடு செய்யவேண்டிய கடவுள்

செவ்வாய் கிழமிகளில் முருகப் பெருமான் வழிபாடு செய்வதும், அனுமன் வழிபாடு செய்வதும் மிகவும் உன்னதமான பலனைத் தரும் என்றும் ஜோதிடங்கள் கூறுகின்றன.