ஈஸியா உடல் எடையைக் குறைக்க எவ்வாறு வாழைப்பழம் சாப்பிட வேண்டும் தெரியுமா?

உடல் எடையைக் குறைக்க விரும்புபவர்கள் பெரும்பாலும் விலையுயர்ந்த உணவுமுறைகள் மற்றும் ஊட்டச்சத்து பொருட்களை நாடுகின்றனர். ஆனால் குறைந்த செலவில் எளிதாகக் கிடைக்கும் வாழைப்பழமும் எடை மேலாண்மைக்கு உதவக்கூடும் என உங்களுக்கு தெரியுமா? 

பொதுவாக, வாழைப்பழம் சாப்பிட்டால் உடல் எடை அதிகரிக்கும் என்ற கருத்து நிலவினாலும், ஒரு நாளைக்கு ஒன்று அல்லது இரண்டு வாழைப்பழங்களை அளவோடு உட்கொள்வது உடல்நலத்திற்கு நன்மை பயக்கும்.

எந்தவொரு உணவையும் அதிகமாக உட்கொள்வது போல, வாழைப்பழத்தையும் அதிகப்படியாக சாப்பிடுவது தேவையற்ற கலோரிகளை உடலில் சேர்க்கக்கூடும் என தெரிந்து கொள்ளுங்கள்.

வாழைப்பழத்தை தனியாக சாப்பிடுவதற்குப் பதிலாக, வேர்க்கடலை வெண்ணெய், தயிர், உலர்ந்த பழங்கள் அல்லது விதைகள் போன்ற புரதம் மற்றும் ஆரோக்கியமான கொழுப்புகள் நிறைந்த உணவுகளுடன் சேர்த்து சாப்பிடுவது நீண்ட நேரம் வயிறு நிறைந்த உணர்வை வழங்கும் என தெரிவிக்கப்படுகிறது.

உடற்பயிற்சி செய்பவர்கள் உடற்பயிற்சிக்கு முன்னோ அல்லது பின்னரோ வாழைப்பழத்தை உட்கொள்வதன் மூலம் உடனடி ஆற்றலைப் பெற முடியும்

அதேவேளை, உடல் எடையைக் குறைக்க விரும்புபவர்கள் முழுமையாகப் பழுத்த வாழைப்பழங்களை விட சற்றே பச்சை நிறத்தில் உள்ள வாழைப்பழங்களைத் தேர்ந்தெடுப்பது சிறந்தது என பரிந்துரைக்கப்படுகிறது.

இவற்றில் நார்ச்சத்து மற்றும் எதிர்ப்புத் தன்மை கொண்ட மாவுச்சத்து அதிகமாக இருப்பதால், செரிமானத்தை மேம்படுத்தி நீண்ட நேரம் பசியைக் கட்டுப்படுத்த உதவுகின்றன. உயர் இரத்தச் சர்க்கரை அல்லது இன்சுலின் எதிர்ப்புத்தன்மை கொண்டவர்களும் சற்றே பச்சையான வாழைப்பழங்களை அளவோடு உட்கொள்வதன் மூலம் நன்மை பெறலாம் என கூறப்படுகிறது.

எனினும், அதிகமாகப் பழுத்து கரும்புள்ளிகள் தோன்றிய வாழைப்பழங்களில் சர்க்கரை அளவு அதிகமாக இருப்பதால், நீரிழிவு நோயாளிகள் அவற்றை உட்கொள்ளும் போது கவனம் செலுத்த வேண்டும்

சரியான அளவில் மற்றும் பொருத்தமான உணவுகளுடன் சேர்த்து உட்கொள்ளப்படும் வாழைப்பழம், உடல் எடையைக் கட்டுப்படுத்தவும், ஆரோக்கியத்தை மேம்படுத்தவும் உதவும் ஊட்டச்சத்து மிக்க உணவாகும்