லங்காசிறி FM
கடுமையான வறட்சி அபாயம் ; எல் நினோ குறித்து அனர்த்த முகாமைத்துவ மத்திய நிலையம் எச்சரிக்கை
எதிர்பார்க்கப்படும் 'எல் நினோ' (El Niño) காலநிலை மாற்றம் கணிக்கப்பட்டதைப் போலவே இலங்கையைப் பாதித்தால், குடிநீர் தேவையைப் பூர்த்தி செய்வதற்காக கடல் நீரைச் சுத்திகரித்து விநியோகிக்க வேண்டிய நிலை கூட ஏற்படலாம் என அனர்த்த முகாமைத்துவ மத்திய நிலையம் எச்சரித்துள்ளது.
இன்று (10) நடைபெற்ற ஊடகவியலாளர் சந்திப்பில் கலந்துகொண்டு கருத்துத் தெரிவித்த அந்த மத்திய நிலையத்தின் மேலதிக செயலாளர் கே.ஜி.பி. தர்மதிலக்க, இம்முறை எதிர்பார்க்கப்படும் எல் நினோ நிலைமை முன்னெப்போதும் இல்லாத அளவுக்குக் கடுமையாக இருக்கக்கூடும் என தெரிவித்தார்.
இதன் தாக்கத்தால் நாட்டின் பிரதான நீர் மூலங்கள் கூட வற்றிப்போகும் அபாயம் காணப்படுவதாகக் குறிப்பிட்ட அவர், அதற்கான முன்னெச்சரிக்கை நடவடிக்கைகளை உடனடியாக மேற்கொள்ள வேண்டிய அவசியம் இருப்பதாக வலியுறுத்தினார்.
மேலும், அவசர நிலைமைகளின் போது மக்களுக்கு நீர் விநியோகிப்பதற்காக தேசிய அனர்த்த சேவை மத்திய நிலையத்தின் வசம் உள்ள நீர் விநியோகப் பவுசர்களின் எண்ணிக்கையும் போதுமானதாக இல்லை என அவர் சுட்டிக்காட்டினார்.
“நாம் இதுவரை கேள்விப்படாத ஒரு எல் நினோ நிலைமை இது.
இதற்கு பெருமளவில் தயாராக வேண்டியிருக்கும். பொதுவாக வறட்சிக் காலங்களில் தேசிய அனர்த்த சேவை மத்திய நிலையங்கள் ஊடாக நாடு முழுவதும் ஒரு மாத காலத்திற்கு நீர் விநியோகிக்கிறோம். ஆனால் இந்த எல் நினோ நிலைமை ஏற்பட்டால், தற்போதுள்ள வளங்கள் போதுமானதாக இருக்காது.
நீர் மூலங்கள் வற்றிப்போனால், கடல் நீரைச் சுத்திகரித்து விநியோகிக்கும் நிலைமையைக் கூட பரிசீலிக்க வேண்டியிருக்கும்,” என அவர் தெரிவித்தார்.
இதற்கிடையில், ஒரு தசாப்தத்தின் பின்னர் ஏற்படக்கூடிய மிகப் பலத்த எல் நினோ நிலைமையின் தாக்கம் எதிர்காலத்தில் உலகளவில் உணரப்படக்கூடும் என ஐக்கிய நாடுகளின் உலக காலநிலை முகவரகம் எச்சரித்துள்ளது.
அதேவேளை, இலங்கை வளிமண்டலவியல் திணைக்களமும் ஜூலை மற்றும் ஆகஸ்ட் மாதங்களில் நாட்டில் வறட்சி நிலைமை ஏற்படுவதற்கான வாய்ப்புகள் காணப்படுவதாக அறிவித்துள்ளது.
பசிபிக் பெருங்கடலின் மேற்பரப்பு நீரின் வெப்பநிலை வழக்கத்தை விட அதிகரிப்பதன் விளைவாக உருவாகும் எல் நினோ நிகழ்வு, உலகின் பல பகுதிகளில் காலநிலை மாற்றங்களை ஏற்படுத்தும் இயற்கை நிகழ்வாகும்.
இதன் தாக்கத்தால் இலங்கை, இந்தியா, அவுஸ்திரேலியா உள்ளிட்ட நாடுகளில் மழைவீழ்ச்சி குறைவடைந்து கடுமையான வறட்சி நிலைமை உருவாகும் அபாயம் காணப்படுவதாக நிபுணர்கள் சுட்டிக்காட்டுகின்றனர்.
மாவிட்டபுரம், மல்லாகம், Lewisham, United Kingdom, Harrow, United Kingdom
08 Jun, 2026
தம்பிலுவில், இணுவில் மேற்கு, Kenton, United Kingdom, இணுவில் கிழக்கு
06 Jun, 2026
ஆவரங்கால், India, ஈரான், Iran, பிரான்ஸ், France, Herborn, Germany
30 May, 2026
புங்குடுதீவு 12ம் வட்டாரம், பேர்ண், Switzerland, Toronto, Canada
10 Jun, 2021
தாவடி தெற்கு கொக்குவில், Lenzburg, Switzerland, Staufen, Switzerland
22 May, 2025
கொடிகாமம், வெள்ளாம்போக்கட்டி, புளியம்பொக்கணை, வவுனியா, கொழும்பு
11 May, 2026
புங்குடுதீவு 4ம் வட்டாரம், புங்குடுதீவு 5ம் வட்டாரம், செட்டிக்குளம், பேர்லின், Germany
04 Jun, 2026
