லங்காசிறி FM
தமிழர் பகுதியில் இடம்பெற்ற கோர விபத்து... முன்னாள் போராளி பரிதாபமாக உயிரிழப்பு!
Shankar
மட்டக்களப்பில் இடம்பெற்ற வீதி விபத்தில் மாற்றுத் திறனாளியான முன்னாள் போராளி ஒருவர் உயிரிழந்திருப்பதாக பொலிஸார் தெரிவித்தனர்.
இந்த விபத்து சம்பவம் நேற்றிரவு (15-01-2025) வாழைச்சேனை திருமலை வீதியில் இடம்பெற்றுள்ளது.
குறித்த விபத்தில் கலைவாணி வீதி கறுவாக்கேணியைச் சேர்ந்த 36 வயதான வி.வினோசித் என்பரே இவ்வாறு உயிரிழந்துள்ளார்.
விபத்து தொடர்பில் மேலும் தெரியவருவதாவது,
நேற்றிரவு மட்டக்களப்பில் இருந்து ஓட்டமாவடி பிரதேசத்தை நோக்கி மோட்டார் சைக்கிளில் வந்தவர்கள் முன்னாள் போராளியை மோதியதில் அவர் சம்பவ இடத்திலேயே உயிரிழந்துள்ளதாக பொலிஸார் தெரிவித்தனர்.
இதேவேளை இவரை மோதியவர்கள் சம்பவ இடத்திலேயே மோட்டார் சைக்கிளை கைவிட்டு தப்பியோடியுள்ளனர்.
வாழைச்சேனை பொலிஸார் மேற்கொண்ட விசாரணையைத் தொடர்ந்து இன்று (16-01-2025) காலை மோட்டார் சைக்கிள் சாரதி பொலிஸ் நிலையத்தில் சரணடைந்துள்ளார்.
உயிரிழந்த முன்னாள் போராளியின் சடலம் வாழைச்சேனை ஆதார வைத்தியசாலையில் வைக்கப்பட்டு உடற் கூற்று பரிசோதனையின் பின்னர் உறவினர்களிடம் ஒப்படைக்கப்பட்டது.
விபத்து தொடர்பாக மேலதிக விசாரணைகளை வாழைச்சேனை பொலிஸார் மேற்கொண்டுள்ளனர்.
உரும்பிராய் கிழக்கு, யாழ் கோண்டாவில் கிழக்கு, Jaffna, Scarborough, Canada, Boston, United States
14 Jan, 2025
