லங்காசிறி FM
அனோஜனுக்கு கருணை கோரி சவூதி மன்னரிடம் முறையீடு ; எம்.பி.க்களின் கையெழுத்து திரட்டல் ஆரம்பம்
சவூதி அரேபியாவில் மரண தண்டனை விதிக்கப்பட்டுள்ள சிவராசா அனோஜனின் வழக்கு தொடர்பில் கருணை அடிப்படையிலான பரிசீலனையையும் பொதுமன்னிப்பையும் கோரி, சவூதி அரேபிய மன்னர் சல்மான் பின் அப்துல் அஸீஸ் அல் சவூத்துக்கு (King Salman bin Abdulaziz Al Saud) சமர்ப்பிப்பதற்கான மேன்முறையீட்டில் நாடாளுமன்ற உறுப்பினர்களின் கையெழுத்துக்களைத் திரட்டும் பணிகள் ஆரம்பிக்கப்பட்டுள்ளதாக அகில இலங்கை மக்கள் காங்கிரஸ் அறிவித்துள்ளது.
இதற்கு மேலதிகமாக, அகில இலங்கை ஜம் இய்யத்துல் உலமா, தேசிய ஷூரா சபை மற்றும் இலங்கை முஸ்லிம் ஊடக மன்றம் ஆகிய அமைப்புகளுக்குக் கடிதம் எழுதியுள்ளதாகவும் அந்தக் கட்சி வெளியிட்டுள்ள அறிக்கையொன்றை வெளியிட்டு தெரிவித்துள்ளது.
இலங்கையிலுள்ள சவூதி அரேபியாவின் தூதரகத்தின் ஊடாக சவூதி மன்னருக்கு அனோஜனின் விவகாரத்தில் கருணை காட்டுமாறு மரியாதையுடனான வேண்டுகோளை முன்வைப்பதற்கும், இந்த முயற்சிகளுக்குத் தங்களது ஆதரவை வழங்குமாறும் அந்த அமைப்புகளிடம் கேட்டுக்கொள்ளப்பட்டுள்ளது.
இந்தக் கடினமான சூழ்நிலையில் அனோஜன் மற்றும் அவரது குடும்பத்தினருக்கு ஆதரவாகச் சாத்தியமான அனைத்து வழிகளும் முன்னெடுக்கப்படும் என்று நம்புவதாகவும் அகில இலங்கை மக்கள் காங்கிரஸ் மேலும் தெரிவித்துள்ளது.
புங்குடுதீவு 3ம் வட்டாரம், Herzogenbuchsee, Switzerland, Toronto, Canada, கரவெட்டி
05 Oct, 2022
