லங்காசிறி FM
வன்னி தேர்தல் மாவட்டத்திற்கு 9 நாடாளுமன்ற பிரதிநிதித்துவம்!
Shankar
வன்னி தேர்தல் மாவட்டத்திற்கு மேலுமொரு தேசியப் பட்டியல் நாடாளுமன்ற பிரதிநிதித்துவம் கிடைக்கப் பெற்றுள்ளதாக தகவல் வெளியாகியுள்ளது.
குறித்த தேசியப் பட்டியல் ஐக்கிய மக்கள் சக்தி ஊடாக கிடைக்கப்பெற்றுள்ளது.
நாடாளுமன்ற உறுப்பினர் றிசாட் பதியூதீனின் தலைமையிலான அகில இலங்கை மக்கள் காங்கிரசின் முக்கியஸ்தரான முஹம்மது இஸ்மாயில் முத்துமுஹம்மது என்பவருக்கே குறித்த தேசியபட்டியல் வழங்கப்பட்டுள்ளது.
அகில இலங்கை மக்கள் காங்கிரஸானது இம்முறை நாடாளுமன்றத் தேர்தலில் அம்பாறை மாவட்டத்தில் தனித்து போட்டயிட்டு ஒரு ஆசனத்தை பெற்றுக்கொண்டதுடன், வன்னி உட்பட ஏனைய மாவட்டங்களில் ஐக்கிய மக்கள் சக்தியுடன் இணைந்து போட்டியிட்டிருந்தது.
இந்நிலையில் ஐக்கிய மக்கள் சக்திக்கு கிடைக்கப்பெற்ற 5 தேசியப் பட்டியல் ஆசனத்தில் ஒன்று அகில இலங்கை மக்கள் காங்கிரஸுக்கு வழங்குவதற்கு இன்றையதினம் (19-11-2024) தீர்மானிக்கப்பட்டுள்ளது.
இதனாடிப்படையில் கட்சியின் நீண்டகால உறுப்பினரும் முக்கியஸ்தருமான முஹம்மது இஸ்மாயில் முத்துமுகமது என்பவருக்கு குறித்த பிரதிநித்துவம் வழங்கப்பட்டுள்ளது.
இவரது நியமனத்துடன் வன்னி மாவட்டம் 9 நாடாளுமன்ற பிரதிநித்துவங்களை பெற்றுள்ளமை குறிப்பிடத்தக்கது.
புங்குடுதீவு 2ம் வட்டாரம், புங்குடுதீவு 12ம் வட்டாரம், வவுனியா, Paris, France
13 Nov, 2024