லங்காசிறி FM
ஏர்-பஸ் ஏ320 விமானங்களில் தொழில்நுட்ப கோளாறு ; உலகம் முழுவதும் விமான சேவை பாதிப்பு
உலகம் முழுவதும் ஏர்பஸ் நிறுவனத்தின் A320 ரக விமானங்களில் தொழில்நுட்ப கோளாறு ஏற்பட்டதால், ஆயிரக்கணக்கான விமான சேவைகள் பாதிக்கப்பட்டுள்ளன.
சுமார் 6,000 A320 விமானங்களில் மென்பொருள் கோளாறு கண்டறியப்பட்டுள்ளதால் அவற்றை உடனடியாக மேம்படுத்தும் பணிகள் தொடங்கப்பட்டுள்ளதாக ஏர்பஸ் நிறுவனம் அறிவித்துள்ளது.
இக்கோளாறு, தீவிரமான சூரிய கதிர்வீச்சு விமான கட்டுப்பாட்டுக்கான முக்கிய தரவுகளை பாதிக்கக்கூடும் என்பதால் ஏற்பட்டதாக நிறுவனம் தெரிவித்துள்ளது. இதனால் பல விமானங்கள் தற்காலிகமாக தரையில் நிறுத்தப்பட்டுள்ளன.
உலகம் முழுவதும் பல விமான நிறுவனங்கள் தங்களது சேவைகளில் ரத்து மற்றும் தாமதங்களை அறிவிக்க நேரிட்டது. ஏர் பிரான்ஸ் மட்டும் 35 விமானங்களை ரத்து செய்தது.
மென்பொருள் மாற்றத்துக்கு பெரும்பாலான விமானங்களுக்கு சில மணி நேரங்கள் பிடிக்கும் நிலையில், சுமார் 1,000 விமானங்களுக்கு இது பல வாரங்கள் ஆகும் என தெரிவிக்கப்பட்டுள்ளது. இந்தியா முழுவதும் 560-க்கும் மேற்பட்ட A320 ரக விமானங்கள் பயன்பாட்டில் உள்ளன.
இதில் 200–250 விமானங்களில் அவசர மென்பொருள் மேம்படுத்தல் தேவையாக உள்ளது. இதனால் ஏர் இந்தியா, இண்டிகோ, ஏர் இந்தியா எக்ஸ்பிரஸ் உள்ளிட்ட நிறுவனங்களின் சேவைகளில் தாமதம் ஏற்பட்டுள்ளது.
அடுத்த இரண்டு நாட்களுக்கு விமான சேவைகள் முக்கியமாக பாதிக்கப்படும் வாய்ப்பு இருப்பதாகவும் தெரிவிக்கப்பட்டுள்ளது.
இந்த சூழலில், இந்திய விமான போக்குவரத்து இயக்குநரகம் A319 மற்றும் A320 விமானங்களை தற்காலிகமாக இயக்க வேண்டாம் என்று அறிவுறுத்தி, A318, A319, A320, A321 ரக விமானங்களையும் உடனடியாக பரிசோதிக்க உத்தரவிட்டுள்ளது.
இந்நிலையில் இன்று காலை 10 மணி நிலவரப்படி இந்தியாவில் 189 A320 விமானங்களுக்கான மென்பொருள் மேம்படுத்தல் முடிந்துள்ளதாக தகவல் வெளியிடப்பட்டுள்ளது.
மீதமுள்ள விமானங்களின் மேம்படுத்தல்கள் நாளை காலை 5.29 மணிக்குள் நிறைவேற்றப்பட வேண்டும் என அறிவுறுத்தப்பட்டுள்ளது.
டெல்லி, பெங்களூரு, மும்பை, சென்னை, ஐதராபாத், அகமதாபாத் மற்றும் கொல்கத்தா உள்ளிட்ட நகரங்களில் மேம்படுத்தல் பணிகள் வேகமாக நடைபெற்று வருகின்றன
யாழ்ப்பாணம், கிளிநொச்சி, கண்டி, Woodbridge, Canada
28 Jun, 2026
நெடுந்தீவு, யோகபுரம், டென்மார்க், Denmark, ஜேர்மனி, Germany, Coventry, United Kingdom
13 Jul, 2025
புங்குடுதீவு 1ம் வட்டாரம், வேலணை மேற்கு, வேலணை வடக்கு, London, United Kingdom
27 Jun, 2026
கரவெட்டி, வெள்ளவத்தை, குருநாகல், புத்தளம், மட்டக்களப்பு, அநுராதபுரம்
02 Jul, 2025
Kuala Lumpur, Malaysia, உடுவில், கொழும்பு, Toronto, Canada
30 Jun, 2026
Negeri Sembilan, Malaysia, சுன்னாகம், யாழ்ப்பாணம், Wembley, United Kingdom, Gaborone, Botswana
30 Jun, 2021
புங்குடுதீவு 5ம் வட்டாரம், ஆறுகால்மடம், பிரான்ஸ், France
24 Jun, 2026