ChatGPT-ல் 80s Retro புகைப்படங்கள் ; உங்கள் தனியுரிமைக்கு ஆபத்தா?

AI தொழில்நுட்பத்தின் புதிய டிரெண்டாக உருவெடுத்துள்ள 80களின் Retro பாணி புகைப்படங்களை உருவாக்க, பயனர்கள் தங்களது புகைப்படங்களை ChatGPT உள்ளிட்ட AI சேவைகளில் பதிவேற்றி வருகின்றனர்.

கல்வித்துறையில் அதிரடி மாற்றம் ; GPA முறைக்கு பதிலாக அறிமுகமாகிறது புதிய 'Weighted Average Marks' முறை

இந்த டிரெண்ட் சமூக வலைத்தளங்களில் அதிக கவனம் பெற்றுள்ள நிலையில், புகைப்படங்களை AI சேவைகளில் பதிவேற்றும்போது தனியுரிமை தொடர்பான சில முக்கிய அம்சங்களை பயனர்கள் கவனிக்க வேண்டும் என எச்சரிக்கப்படுகிறது.

ஸ்மார்ட்போனில் எடுக்கப்படும் புகைப்படங்கள் வெறும் காட்சிப் பதிவுகள் மட்டுமல்ல.

சில புகைப்படக் கோப்புகளில் படம் எடுக்கப்பட்ட திகதி, நேரம், பயன்படுத்தப்பட்ட சாதனத்தின் தகவல் மற்றும் சில சந்தர்ப்பங்களில் இருப்பிடத் தகவல் உள்ளிட்ட metadata இடம்பெற்றிருக்கலாம்.

இதனால், ஒரு புகைப்படத்தை AI சேவையில் பதிவேற்றும்போது, அந்தப் புகைப்படம் தொடர்பான தரவுகள் எவ்வாறு கையாளப்படுகின்றன என்பதைப் புரிந்துகொள்வது முக்கியமானதாகிறது.

ghatGPT-ல் பதிவேற்றப்படும் புகைப்படங்கள், அந்த உரையாடல் மற்றும் கணக்கு அமைப்புகளுக்கு ஏற்ப சேவை அமைப்புகளில் கையாளப்படலாம்.

தரவு எவ்வளவு காலம் வைத்திருக்கப்படுகிறது, அது AI மாடல் மேம்பாட்டிற்கு பயன்படுத்தப்படுகிறதா என்பவை பயன்படுத்தப்படும் சேவை மற்றும் பயனர் தேர்ந்தெடுத்த தனியுரிமை அமைப்புகளைப் பொறுத்து மாறுபடலாம்.

மேலும், பயனர் AI சேவையைப் பயன்படுத்தும்போது IP முகவரி, சாதனத் தகவல் மற்றும் சேவையைப் பயன்படுத்தும் விதம் தொடர்பான சில தொழில்நுட்பத் தகவல்கள் சேகரிக்கப்படலாம். 

புகைப்படங்களை Upload செய்யும்போது என்ன கவனிக்க வேண்டும்?

AI மூலம் புகைப்படங்களை மாற்றுவது அல்லது Retro பாணியில் உருவாக்குவது பொதுவாக ஒரு பொழுதுபோக்கு அனுபவமாக இருந்தாலும், தனிப்பட்ட புகைப்படங்களைப் பதிவேற்றும்போது சில முன்னெச்சரிக்கைகள் அவசியம்.

மற்றவர்களின் புகைப்படங்களை அவர்களின் அனுமதியின்றி பதிவேற்றுவதைத் தவிர்க்கவும்.

குழந்தைகளின் புகைப்படங்களை தேவையின்றி AI சேவைகளில் பதிவேற்ற வேண்டாம்.

முகவரி, தொலைபேசி எண், அடையாள ஆவணங்கள் போன்ற முக்கியத் தகவல்கள் தெரியும் புகைப்படங்களைப் பதிவேற்ற வேண்டாம்.

புகைப்படங்களில் இருக்கும் metadata குறித்து கவனமாக இருக்கவும்.

AI சேவையின் Privacy மற்றும் Data Controls அமைப்புகளைப் பார்த்து, தேவையான கட்டுப்பாடுகளைச் செயல்படுத்தவும்.

தேவையில்லாத புகைப்படங்கள் மற்றும் உரையாடல்களை சேமித்து வைப்பதைத் தவிர்க்கவும். 

80s Retro, Anime, Cinematic உள்ளிட்ட பல்வேறு AI புகைப்பட டிரெண்ட்கள் தொடர்ந்து பிரபலமாகி வருகின்றன.

இவற்றை பயன்படுத்துவது குறித்து அச்சப்பட வேண்டிய அவசியமில்லை என்றாலும், “AI சேவைக்கு நாம் என்ன தரவை வழங்குகிறோம்?” என்பதைப் புரிந்துகொள்வது முக்கியம்.

குறிப்பாக, தனிப்பட்ட அல்லது முக்கியமான தகவல்கள் இடம்பெற்றுள்ள புகைப்படங்களை பதிவேற்றுவதற்கு முன், அந்த AI சேவையின் தனியுரிமைக் கொள்கை மற்றும் தரவு கட்டுப்பாட்டு அமைப்புகளை சரிபார்ப்பது பாதுகாப்பான நடைமுறையாகும்.

பொலிஸாரை உடனே தொடர்பு கொள்ள புதிய அலைபேசிச் செயலி அறிமுகம்