உயர்தரப் பரீட்சை முடிவுகள்; பல்கலைகழக தகுதியில் வடமாகாணம் முதலிடம்!

 2025ஆம் ஆண்டு நடைபெற்ற கல்விப் பொதுத் தராதர உயர்தரப் பரீட்சையின் முடிவுகளின் அடிப்படையில் பாடசாலை விண்ணப்பதாரர்களில் மேல் மாகாணமும், ஒட்டுமொத்த விண்ணப்பதாரர்களில் வட மாகாணமும் பல்கலைக்கழகத் தகுதியின் அடிப்படையில் முன்னிலையில் பெற்றுள்ளதாக தெரிவிக்கபப்டுகின்றது.

அனைத்து விண்ணப்பதாரர்களையும் கருதும் போது, பல்கலைக்கழகத் தகுதி பெற்றவர்களின் சதவீத அடிப்படையில் வட மாகாணம் (65.19 வீதம்) முதலிடத்தைப் பெற்றுள்ளது.

 விண்ணப்பதாரர்களின் பெறுபேறுகள் பற்றிய அறிக்கை

2025ஆம் ஆண்டு நடைபெற்ற கல்விப் பொதுத் தராதர உயர்தரப் பரீட்சை முடிவுகளின் அடிப்படையில் விண்ணப்பதாரர்களின் பெறுபேறுகள் பற்றிய அறிக்கையில் இவ்விடயம் தெரிவிக்கப்பட்டுள்ளது.

அதன்படி பாடசாலை விண்ணப்பதாரர்களின் மாகாண ரீதியான பெறுபேறுகள் பல்கலைக்கழகப் பிரவேசத்திற்குத் தகுதி பெற்றவர்களின் சதவீத அடிப்படையில், பல்கலைக்கழகத் தகுதி பெற்றவர்களில் மேல் மாகாணம் (69.43 வீதம்) முதலிடத்தில் உள்ளது.

ஹார்முஸ் நீரிணையை கடக்கும் ஒவ்வொரு கப்பலுக்கும் 2 மில்லியன் டாலர் கட்டணம்; ஈரான் தீர்மானம்

மேல் மாகாணத்தில் பரீட்சைக்குத் தோற்றிய 53,275 மாணவர்களில் 36,987 பேர் தகுதி பெற்றுள்ளனர். அதேவேளை வடமேல் மாகாணம் (68.48 வீதம்) மற்றும் வட மாகாணம் (66.91 வீதம்) ஆகியன முறையே இரண்டு மற்றும் மூன்றாம் இடங்களைப் பெற்றுள்ளன.

மூன்று பாடங்களிலும் 'ஏ' சித்தி பெற்றவர்களில் மேல் மாகாணம் அதிக எண்ணிக்கையையும் (2,328 மாணவர்கள்), அதிக சதவீதத்தையும் (4.37 வீதம்) கொண்டுள்ளது.

வடமத்திய மாகாணம் (60.91 வீதம்) பல்கலைக்கழகத் தகுதியின் அடிப்படையில் கடைசி இடத்தைப் பெற்றுள்ளதுடன், அங்கு அனைத்துப் பாடங்களிலும் தோல்வியடைந்தவர்களின் சதவீதம் (11.02 வீதம்) மற்றைய மாகாணங்களை விட அதிகமாகக் காணப்படுகிறது.

தமிழ் – சிங்களப் புத்தாண்டு; மதுபான நிலையங்களுக்கு பூட்டு!

அதேவேளை நாடளாவிய ரீதியில் பாடசாலை விண்ணப்பதாரர்களில் 66.12 வீதம் பேர் பல்கலைக்கழகத் தகுதி பெற்றுள்ளனர். இதில் பாடசாலை மற்றும் தனிப்பட்ட விண்ணப்பதாரர்கள் என அனைவரும் உள்ளடக்கப்பட்டுள்ளனர்.

அனைத்து விண்ணப்பதாரர்களையும் கருதும் போது, பல்கலைக்கழகத் தகுதி பெற்றவர்களின் சதவீத அடிப்படையில் வட மாகாணம் (65.19 வீதம்) முதலிடத்தைப் பெற்றுள்ளது. மேல் மாகாணம் 63.76 வீத சதவீதத்துடன் இரண்டாம் இடத்தையும், தென் மாகாணம் 63.69 வீத சதவீதத்துடன் மூன்றாம் இடத்தையும் பெற்றுள்ளன.

பண்டிகை கால உணவு வகைகளின் விலைகள் அதிகரிப்பு

வடமத்திய மாகாணத்தில் அனைத்துப் பாடங்களிலும் தோல்வியடைந்தவர்களின் சதவீதம் 12.75 வீதம் ஆகக் காணப்படுகிறது.

நாடளாவிய ரீதியில் ஒட்டுமொத்தமாகப் பரீட்சைக்குத் தோற்றிய 281,810 விண்ணப்பதாரர்களில் 176,527 (62.64 வீதம்) பேர் பல்கலைக்கழகப் பிரவேசத்திற்குத் தகுதி பெற்றுள்ளனர்.

ஒட்டுமொத்தமாக, பாடசாலை விண்ணப்பதாரர்களில் மேல் மாகாணமும், ஒட்டுமொத்த விண்ணப்பதாரர்களில் வட மாகாணமும் பல்கலைக்கழகத் தகுதியின் அடிப்படையில் முன்னிலையில் உள்ளதை இந்தத் தரவுகள் உறுதிப்படுத்துகின்றன